Ocio (積存街) (已結業)

🍽大圍親民cafe🍽推介指數❤️❤️❤️❤️🤍同朋友講起上次去煙廠街食cafe價錢親民，晚餐大約一百蚊左右有湯、主食同飲品，原來大圍都有分店。位置近大圍油站，向城門河方向。大門以海水藍作主調，門口擺放menu，仲有特惠外賣晚餐都幾吸引！樓底高，感覺空間感較大。🍽黑松露燴意大利飯配煙肉帶子串HKD108 ✨面層有2串煙肉帶子串，每串都有3粒煙肉包住帶子。煙肉香煎、帶子軟滑新鮮。Risotto 聞落好香黑松露味，食落每啖都有香氣且熟成度剛好。🍽煙三文魚卡邦尼扁意粉HKD88✨面層大大片煙三文魚都遮唔住意粉山，醬汁濃稠度適中，扁意粉掛汁。配料仲有煙肉、雜菇同洋蔥，食落層次豐富。🍓草莓冰茶+HKD15✨晚餐可以自由選擇HKD33或以下飲品，或者加錢轉果茶、奶昔或者特飲等等。士多啤梨紅茶少甜少冰，有士多啤梨配襯，飲落士多啤梨味唔假。🧊凍咖啡✨晚餐配送飲品，飲落咖啡味香滑。🥣餐湯✨南瓜湯都幾香～總結：-食物❤️❤️❤️❤️🤍環境❤️❤️❤️❤️🤍服務❤️❤️❤️❤️❤️.··🏠 Ocio (積存街) (大圍) @ocio_kitchen 📍大圍積存街74-76號地下A舖

🥓🧅🍡🍄🍚黑松露燴意大利飯配煙肉帶子串 $108這個意大利飯除了煙肉、帶子，睇下飯裡面有幾多食材（🧅洋蔥、🍄菇類、蘆筍等），食完煙肉帶子飯內仲有其他材料，飯質感唔太硬啱我，其他食過咁多間意大利飯，這間足料滿分，令到我好開胃，最緊要係配搭得好味道、令我好滿足 😋🥓🧅🍡🍚喜歡食意大利飯值得推介😋🐮🥩🍟🥗香烤美國肉眼配薯菜 $178抵食呀，牛扒份量大件，煎得香口，肉質入口嫩滑又多汁😋🌟真心推介給大家足料抵食😋

幾個月前來食過，上次的印象好好，今次在經濟低迷的時候，又想起呢到，所以又同朋友來食下、散下心。呢到既位置幾好，由大圍站行來都是5分鐘左右，但就在大圍的一角，冇出面咁嘈同煩，好愛呢到平和的氣氛。晚餐都係有好多選擇，今次選了香烤紐西蘭羊架配薯菜$148 及黑松露燴意大利飯配煙肉帶子串$108呢個價錢有埋餐湯、包及野飲，其實都好抵食。今晚有忌廉湯，好熱又香滑，飲一口熱湯真係暖入心。另外值得一讚的是那個餐包，我相信是HOMEMADE BREAD，是蕃茄味的，鬆軟而且彈牙，非常出色。黑松露燴意大利飯配煙肉帶子串$138，煙肉帶子串好特別，而且有2串，真係好多，帶子大粒，配上煙肉原來係好夾架，另外意大利飯都做得不錯，好彈牙。香烤紐西蘭羊架配薯菜$148，呢個賣相勁好，見到就覺得自己叫我好~!食落都令人非常滿意，羊架本身好香，加上烤得剛好，肉汁好多，加上有羊脂肪，真係好正~食完再飲杯檸茶檸水幫助消化，呢個真係完美的晚上~支持本地小店，希望可以共渡難關~!

今晚約左朋友到大圍食晚飯，揀左Ocio依間人氣指數甚高的西餐廳。餐廳內裝潢唔錯，在微弱的黃燈泡點綴下幾有格調，兩旁座位都是梳化坐得舒適，唯獨二人餐枱比一般細，空間感有限擺放餸菜要將就下。餐牌菜式選擇多，淨看一頁晚餐餐牌比較簡單清晰，是日晚餐有十二款，價錢由$88起非常貼地加埋美味度，感覺相當抵食。難怪八點鐘餐廳外仍有不少食客前來等位。南瓜忌廉湯配餐包湯味濃郁飲落細緻綿滑，仲食到南瓜蓉好有誠意，配埋鬆軟的餐包伴食味道唔錯。蜜糖蒜香炸雞翼(+$39）加錢多5件大大隻雞翼算抵食。雞翼外皮炸粉唔厚十分香脆，表層蒜茸碎香味四溢非常突出，雞翼肉質嫩滑有肉汁，塗滿蜜糖份外甜美，必食之選。黑松露燴意大利飯配煙肉帶子串($108)主角煙肉帶子兩串共6粒，串起來賣相不俗，味道與期望一致好食。外層由微微煎香嘅煙肉捲住口感彈牙軟熟嘅帶子相當美味，燴飯好creamy有淡淡的黑松露味，配料甚多有洋蔥、蘑菇、蘆筍、黃椒、脆肉瓜碎等，口感豐富相當好味。香煎挪威鮮三文魚配刁草檸檬汁($108)厚厚的三文魚扒，有手掌咁上下大小好有份量，魚皮煎得香口，魚肉軟身無過熟味道唔錯，肉裡充滿魚油香，放得耐涼左亦唔腥，份量多二人分半

呢排成日去大圍搵食，今晚都唔例外！之前去過旺角分店，覺得食物唔錯，所以今次黎到大圍呢間試下！餐廳座位唔算好多，好在早到，如果唔係就會冇位，估唔到都有好多人黎食！Set dinner價錢唔算好貴，所以同朋友叫了一人一份！餐湯甘筍湯，湯都幾creamy，有甘筍蓉，唔會太濃味！餐飽，香草包而且有蕃茄乾，好香，包亦好軟熟！黑松露燴意大利飯配煙肉帶子串($108)，意大利飯有淡淡的黑松露味，拌有蘑菇、洋蔥同黃椒，幾香口！煙肉帶子串冇諗過原來幾好食！帶子有稍稍煎過，外層煎香，內裡軟熟，半生熟令帶子味更出，煙肉亦能帶起帶子的鮮味！香烤美國prime 肉眼配薯菜($178)，冇諗過咁大塊，牛肉味都幾濃，而且幾juicy！仲有粗薯條同埋沙律，薯條外脆內軟，口感豐富！食物質素無論下午或晚上都唔錯，值得再來！

唔係朋友帶路，我都唔知大圍站附近有間高質西餐廳，雖然店舖唔係對正大街，但都有唔少街坊客～Set dinner有12款可以揀，我今次揀左risotto,黑松露燴意大利飯配煙肉帶子串,一上枱大大粒既煙肉帶子串好吸引，帶子厚肉彈牙，同煙肉既配搭新鮮又夾，黑松露燴飯好香，有菇同瓜，令個燴飯既口感更豐富！ 醬燒柚子蜜豬仔骨伴蟹肉芝士焗大啡菇，同樣賣相好吸引，ribs燒得好靚，配上甜甜既醬汁～芝士大啡菇加埋蟹肉去焗，有鮮味！蜜糖蒜香炸雞翼，大大隻既炸雞翼，好飽滿，外皮酥脆，肉質嫩滑！