十里洋場

营业中

休息中

今餐唔餓，所以比較輕食。黑松露珍珠燻溏心蛋比想像中好食，燻味同黑松露味好香，當然蛋味都好香，成件事幾夾👍🏻蜜汁脆黃鱔脆卜卜既小黃鱔，加上甜甜既蜜汁，一啖接一啖既小食。上湯菠菜有金華火腿絲做點綴，成個菜即刻充滿鮮味。蟹黃大湯包第一次食大湯包，仲有飲管可以插落去飲，好香蟹黃味，肉都好嫩。(最終都系整爛個皮，用匙羹不嚟飲)椰汁小玉兔朋友話好食，不過我就唔鐘意個質地，唔似一般食到既椰汁糕，佢爽爽地，好似好假咁… 味道都有d假。炸芝麻湯圓一上枱就聞到，好香芝麻味，內餡都系芝麻，每一啖都充滿芝麻味👍🏻👍🏻

聽朋友講過話利園有間唔錯嘅中菜餐廳，於是就搵幾個朋友黎試下。門口同餐廳裡都裝修得時尚有格調，有別於一般中菜廳。order左好幾款主食。第一款，黑松露珍珠燻溏心蛋，價錢一件$34。上菜果陣，侍應打開個蓋d煙就會散出黎，有視覺效果。味道方面就煮得剛剛好，配合黑松露，就好味。第二款，東坡千層寶塔，價錢$328。整到一座塔，賣相都幾好。睇到師父嘅刀功勁，切到好薄。味道入口即溶，加埋個汁，口感唔錯。另外會有包俾你夾住食，可以吸埋d肉嘅油落個包到，又有另一個口感味道。第三款，金牌小籠包，價錢$75。味道就同出面食差不多，冇乜驚喜。第四款，瑤柱蛋白炒飯，價錢$142。都係跟一般中菜廳差不多，炒得一粒粒，算乾身。合格。第五款，上海粗炒，價錢$128。這款差左少少，比較多油，同埋份量比較少。第六款係甜品，高力豆沙，價錢唔記得。味道唔錯，唔係好甜，內裡夠熱，彈牙。總結係廳牌仲有好多嘢想試，希望下次有機會試埋其他菜式。門口都整得時尚。