TC Bistro

营业中

休息中

第四次幫襯，依然係咁好食服務都一流一定要訂位同時訂埋威靈頓牛柳～餐廳前一日會打電話黎confirm，都好有禮貌！我地3個人叫左3個main course都加左50蚊跟餐，吾係Hea 野黎架，湯同沙律都好有水準好好味！黑松露薯條次次必點～係我食過最好味既黑松露薯條吾知係咪因為聖誕節，大廚仲送左海鮮酥皮盒同蘋果批俾我地，足足3人份，好飽好飽！為左吾浪費大廚既心意，我地都食得一乾二淨會繼續幫襯下次再試埋龍蝦

這間酒店水準的隱世小店,值得再幫襯,要試埋上次未食的食物。首先是黑松露薯條, ------- 即叫即做,外脆內軟,新鮮!! 加上用原六吋鑄鐵鍋上,keep到一直食到最後條仍酥脆。讚呀牛油果沙冰smoothie ----- 很滑很順喉,也是即叫即榨,甜度可以選擇,真是一流水準!主菜牛扒及鵝肝 ---------煎得真有技術,能保持原味,沒有過多醬料,是正忠酒店做法,厚薄恰到好處,值得成為comfort food。以上四樣都極力推介!

在openrice平台訂位，選了週年紀念，及一位的威靈頓牛扒😃很順利，店員在前一日會聯絡你確認，細心👍由於預訂了威靈頓牛扒，再點2個食物便很足夠！選了意粉和薯條。落單後不久，薯條便上枱，炸得不錯，夠香口！再配松露醬及茄汁😄一流！突然，佢送上一盆小食！香煎鵝肝多士、火腿伴蜜瓜😍（話係週年紀念既驚喜😊）多謝😃牛扒好特別，第一次食！感覺幾好👍帶子天使麵，帶子煎得剛剛好，意粉掛汁好靚，濃郁既芝士味😄食到好飽！哈哈！叫少個意粉就更好！😆

今日去左平時比較少去既地區食飯-新蒲崗！唔去唔知，原來呢區好多野食，係鑽石山行過去行得快都只係10分鐘左右，沿途仲見到一間好高人氣好好食既麵包店今次去個間食店都係朋友介紹，佢話好好食，叫我一定要去食下，知我鐘意食牛，仲提我要訂早預定威靈頓牛柳，話係必試！講到咁，我都無理由唔去，拿拿聲訂檯帶老婆去食好野間店地方位置係新蒲崗景福街，唔近地鐵，不過都好易揾同埋易行，係個大商場Mikiki旁邊。店鋪裝修簡簡單單單，坐得都幾舒服，環境好適合慢慢食傾下偈。間店有本地手工啤提供，如果你鍾意飯兩杯，就岩晒你d酒鬼！呢隻香港品牌既本地啤比較少見，但係口味特別，竟然有茶味啤酒。我點左枝普洱味試下，非常易入口，酒精味不重，推介!!!一路飲啤酒，一路食黑松露薯條，真係咩壓力都無哂！首先，我點左個忌廉蘑菇湯，呢款蘑菇湯絕對唔係出面既罐頭湯，顏色都吾同d，係新鮮用磨菇製作而成。飲落去蘑菇味比較重，應該用多左蘑菇打碎先整到，仲有配埋個包好正，又軟又熱，同出面個d凍冰冰既麵包好吾同。之後仲點左個黑松露炸薯條，真係估唔到份量有咁多，超抵食，睇落都夠4個人食！廚師仲好貼心咁配左甜茄汁同黑松露沙律醬，超級正！黑松露醬勁香！

有一次我同家人去新蒲崗食嘢😁，咁啱俾我發現原來有間TC Bistro餐廳，於是我就同屋企人入咗去🚶‍♀️，嗰度環境舒適，服務態度良好，我最鍾意食黑松露薯條🍟，薯條上鋪滿左好多黑松露非常入味，我妹妹👧就好鍾意食兒童餐， 不單止有肉醬意粉🍝，西蘭花，仲有新鮮嘅生果 👍，裏面仲有我妹妹最鍾意食嘅雞翼 ，👫爹哋媽咪就最鍾意🍴食嗰款龍蝦米多， 裏面釀左蘑菇洋蔥等等好野味 ，值得一嘗，我覺得呢度嘅食物非常好味😋，可見廚師好用心❤整呢度嘅每一道菜，我會推介這間餐廳畀我嘅朋友，等佢哋都一齊嚟呢度品嚐美食！！👏👏