Y Show Tasty (已結業)

厚福街的H8出名多美食，每晚在樓下排隊等升降機到餐廳都要花上不少時間，Y Show Tasty是H8內其中一間人氣西餐，之前吃過這裡的午餐都幾抵食味道亦不差，今次約朋友在尖沙咀晚飯又再次光臨。七點來到時只有一兩枱食客，以為因為最近市道不好人客都少了，但原來只是時間尚早，七點半之後餐廳已經越來越多人。Fruit Garden($58)這是一杯由青蘋果和奇異果調成的特飲，特飲分成上下兩部份，先吃上部的青蘋果，之後才喝特飲，特飲內有很多青蘋果和奇異果肉，酸酸甜甜都幾好飲。黑松露野菌忌廉湯($68)菌味和黑松露味道同樣香濃，忌廉湯入口creamy順滑，如果能配上一塊多士就perfect~!!香燒荷蘭黑啤豬手配酸椰菜及自家製醋汁($268)豬手超大份，建議二人分吃。豬手鹹度適中，不會過肥，豬手皮非常香脆。黑松露醬炸薯條($48)任何主菜加$48都可以加配菜，黑松露炸薯是粗身薯條，啖啖肉很有咬口。意大利芝士餅($58)這個Tiramisu跟平時的最大分別是裡面沒有海綿蛋糕，所以入口特別綿滑，吃前澆上咖啡酒，咖啡香味夠濃很好吃。總結，食物不俗，定價亦合理，食物比想像中大份。

話說朋友指定要尖沙咀食飯,又唔限時可以傾耐D計...在樓上的餐廳先可以符合要求呢...見到咁多好評,決定試呢間...每位的枱上都有一張不同名人的精句餐廳佈置都用上很多有意思的句子飲品的PROMOTION,唔一定食飯,可以飲下野的很新鮮的西柚,汁配芒果汁+熱情果汁一杯好FRESH的飲品,喝後十分開胃,小清新的勁勁勁多黑松露,粗薯條太好吃了,兩者加埋簡直係完美的配搭!!!又係一個我好喜歡的菜式,蕃茄肉醬味道一流,完全溶入茄子到,每一啖都好豐富鮮甜的配搭,海膽煮意大利粉已經夠新鮮又鮮甜,仲耍加埋蜆,無得彈!!!豬手皮十分脆,真正的外脆內淋,入面仲好JUICE唔好以為好肥膩,其實一D都唔肥呢..哈哈!

好早之前約左好朋友今晚聚舊,雖然天寒地凍,但仍然無阻我地見面嘅決心哈哈!今日選左一間系朋友中口碑好好嘅餐廳！一入到去，環境好舒適，燈光令人覺得好舒服，好適合拍拖！坐低一望，碟上面有張卡，上面寫左好勵志嘅說話，後來發現原來每個人碟上嘅卡都唔同，好窩心啊！第一樣黎到嘅食物系朋友嘅最愛－－茄子。其實我本身唔系好中意食茄子，因為覺得佢腍腍地，口感好怪。但估唔到佢令我對茄子改觀。佢系一層茄子一層醬，醬嘅味道好濃郁，而且入面加左芝士，更滑更香，而茄子唔會完全腍曬，有少少咬口，加埋醬一齊食，蓋左平時茄子有嘅怪味（我覺得平時嘅茄子有怪味），兩樣野非常夾！佢隔離嘅薯仔我都好愛，焗到啱啱好，一Ｄ都唔乾，沾埋Ｄ醬一其食，非常正！第二樣黎到嘅食物系我最愛的蜆意粉，蜆非常新鮮，一Ｄ沙都唔，而且蜆肉好飽滿。意粉入面仲有海膽，我平時好少食，佢無咩味道，有Ｄ淡，但食完個口會回甘。佢Ｄ意粉加左蒜片同香草去炒，非常香同埋彈牙（我最怕軟淋淋嘅意粉），加埋蜆嘅鮮味，非常好食！我好中意黑松露嘅味道，朋友話似煤氣味哈哈！我第一次食呢個形狀嘅薯條，佢唔同普通嘅粗薯條，佢系扁嘅粗薯條，好特別！薯條唔會好油，外脆內軟，加埋黑松露嘅味道