Pause It (已搬遷) 新店位置

上網睇到呢間啲拉花幾靚🥰又有黑芝麻latte，所以心思思就黎試下～鋪頭唔大，無記錯大約10張檯咁上下～所以等位時間會相對耐啲！如果唔係打工仔，建議避開午飯時間😹呢次咁啱安排到靠牆嘅高檯，會同其他檯隔得遠少少👍🏻不過張檯就會細啲啲～👆🏻簡單而清楚嘅餐牌～👇🏻有沙律🥗、主食🍝、小食同嘢飲☕👇🏻仲有季節限定嘅餐牌添！🐔牛油果雞肉意大利飯👆🏻賣相好好👍🏻青綠色幾靚，仲有塊檸檬做裝飾😹雞肉正正常常，唔鞋口，不過呢啲飯係幾硬下🤔🤔🤔有少少會見到中間白白地😹但基本上個味道係幾好架～如果啲飯淋啲就高分好多啦～🍄黑松露雜菌意大利飯👆🏻黑松露味道算濃，菇都多～不過同上面個飯有同一個問題🤔講真如果飯淋啲，我係會再黎食嘅！👆🏻🧀芝士黑松露薯條🍟呢個非常之邪惡😆滿滿嘅芝士黑松露🥰多到食唔晒～黑松露係幾足料，鋪晒喺芝士上面～👆🏻黑芝麻拿鐵🐻☕上網睇黑色嘅竹炭咖啡好靚！可惜我係唔飲咖啡，所以叫咗同樣係黑色嘅黑芝麻latte～同店員講可唔可以整到熊仔😆結果真係整到😻真係好西利！而且黑芝麻味好重，幾濃郁架，飲到最尾會飲到啲芝麻渣😹😹總括黎講呢個無令我失望👇🏻凍americano，正常水準

放工黎已經排晒隊，因為間鋪位置唔多，不過望落就好文青，入面都幾靚，如果唔趕時間，同朋友慢慢等慢慢聚都得，不過10點就閘門啦🤔🤔1.煙三文魚蟹子忌廉天使麵 $88煙三文魚口感同味道都唔錯，唔會太咸，不過份量相對較少，食到最後，得番有蟹子的麵🤣🤣整體個麵味道普通2. 慢煮手撕豬肉長通粉 $88賣相望落唔錯，但豬肉個味道麻麻地，酸酸地咁，最後食淨好多豬肉3. 黑松露雜菌意大利飯 $88呢個食落同平時的差唔多，正正常常，不過黑松露味反而冇咁出4.科布沙律 $62望落全部都係火箭菜（唔知有冇認錯），我個人就麻麻地火箭菜，覺得苦😛，不過我知有其他人就係鍾意佢呢個味5. 芝士黑松露薯條 $62呢個超正，一送過黎，已經聞到濃濃的黑松露味，未有掂到汁的薯條都好好食🤤🤤🤤，加埋芝士同黑松露係幾香，不過略嫌芝士味唔夠，但整體都幾好味，推介！！！6. 凍桂花培茶拿鐵 $42一飲第一下好多渣，跟住撈完，都仲有少少，但味道係唔錯，不過唔多覺有桂花味😂7. 凍抹茶拿鐵 $42朋友叫左第一句就係話冇奶味嘅🥺8. 唔記得左朋友叫咩，不過拉花幾靚，比大家望望🤣🤣Pause it 的擺設同美食全部都好靚，味道整體正常，薯條

每次經過都會見到有幾個人排隊 難得今日見到唔駛排隊 即刻試下先我哋安排左坐左高d嘅吧枱 其實有少少迫 不過冇辦法啦因為我哋入到去個時全間都做坐滿晒人啦 過咗一陣有檯既時候 老闆娘好主動咁問我地調唔調位 真係好細心呀〰️黑松露雜菌意大利飯〰️其實一開始入嚟係諗住飲下咖啡傾吓計 點知見到隔離枱啲嘢食好似好吸引咁所以就忍唔住呢個意大利飯既飯係硬嗰隻 都算係幾正宗 而且每啖都感受到好香濃既雞湯味 仲有飯味超好 通常出邊食到嘅雜菌意大利飯嘅雜菌呢都係只係喺飯既表面嘅 但係呢度嘅雜菌係真係好多 我而家都仲好掛住呢個飯呀〰️煙肉班尼廸克蛋〰️個包係平時有啲唔同既 呢個係香脆嘅多士 不過都絕對唔會影響左個味道 用黎‘點’個蛋汁 正呀煙肉煎得好香 但係又唔會太燶 夾埋個egg benedict 食真係好好味〰️tiramisu〰️呢個係老闆娘推介 佢話係星期六日先食到 因為每一杯都係佢親手做 所以數量唔多超香滑又感受都濃濃既咖啡味 甜味適中 食完都唔會太膩 本來想食多杯 不過已經賣晒啦〰️紫芋拿鐵〰️其實我就係為左呢個而黎架 呢個淺紫色既咖啡真係好靚呀 不停咁影相 😜 佢唔係只係得個樣架 芋頭味都好香而且奶味都好重