金滿堂甜品

营业中

休息中

食完晚飯同朋友好瘋狂咁由太子行到九龍城食糖水，去到揀左一輪就決定去金滿堂。由於頭先食飯食得太飽，所以我放棄左平時最鍾意嘅心太軟，改左叫呢個朱古力棉花冰。先講佢上面嗰兩塊薯片樣嘅朱古力，初初以為係薯片嚟，點知係朱古力，仲要勁唔好食。個冰就幾好味嘅，一入口有好香濃嘅朱古力味，但又唔係好甜。粟米片同個朱古力脆條就正正常常。朋友叫左呢個，我試左一啖，覺得麻麻地，係芒果汁加無味嘅冰。個人覺得棉花冰好味好多。我嘅最愛，有好香濃嘅朱古力味，一切開啲朱古力醬就流哂出嚟。朋友話普普通通，食完之後好飽，我諗我可以將佢當晚餐。😂

上OR聽講有綠茶三重奏，超級粉絲嘅我梗係要試。叫左芒果大皇，綠茶三重奏，朱古力心太軟，黑樹皮，龍吐珠，同埋外賣麥提莎糯米糍。首先芒果大皇，有燉蛋白係底，椰子水加水晶珠，芒果粒。透心凉。綠茶三重奏: 姐係紅豆小丸子，綠茶心太軟，同埋綠茶雪糕。我先食心太軟，有好濃嘅綠茶味，流心又香滑。之後再食小丸子同雪糕都覺得好淡無咩味。小丸子好煙un,軟硬適中。雪糕加心太軟有種冰火交加嘅感覺。朱古力心太軟: 好大舊，揀左綠茶同曲奇味雪糕。流心好香滑進步左，朱古力味又濃。個糖漿裝飾好靓，係minion。黑樹皮: 朱古力綿花冰好濃朱古力味，係我食過最綿嘅綿花冰。龍吐珠退步左。裡面有珍珠，龍眼肉，水晶珠，椰果，椰水。以前個底係椰水冰，而家變左唔知咩，感覺似泡，唔好食。麥提莎襦米糍個皮好軟熟，比例岩岩好。拎返屋企隔左夜又另一番風味。期待下次再泥！

食完洋一繼續搵食去....黎到想食好耐ge金滿堂.....好好彩又係唔使等....豆腐綿花冰..第一次食綿花冰...好好味ya...真係好似雪花咁薄..但係唔會淡ga....好有豆槳味....食完透心涼...香蕉船...可以選3球雪糕....我地要jor 2球綠茶..1球vanilla...綠茶味..好好味...推介黑樹皮=朱古力綿花冰....好濃朱古力味...唔會死甜...所有綿花冰都有埋紅豆..小丸子..香蕉片做配料....不錯.....