孔夫子 (Club East洞天) (已結業)

📌 孔夫子1️⃣🌟黑毛豬🐖叉燒🚩推介指數（9.5/10）外皮邊位有焦香，半香半瘦肉質軟滑唔會過靭，味道剛好，叉燒下有爐烘熱非常貼心2️⃣🌟 蟹粉小籠包🚩推介指數（7/10）蟹味超濃🦀，咬開裏面好多湯汁3️⃣🌟蝦餃🚩推介指數（9/10）皮薄食到原粒蝦肉，兼且爽口彈牙⭕️整體推介指數 ⭐️⭐️⭐️️️️

話咁快又到中秋喇~今年屋企中秋飯打算提前食，唸起觀塘有間味道幾好嘅中菜館，份量都好啱一家人一齊食！所以就想帶屋企人同男朋友去試下~ 【孔夫子】係一間主打魯菜嘅中式酒樓，隱身係觀塘一眾工商廈之中，雖然商廈外觀平平無奇，但上到去別有洞天！酒樓裝修既有中式嘅典雅又有現代嘅時尚感，非常有氣派！ 🧡黑毛豬叉燒（$228）叉燒絕對係招牌必點，叉燒肥瘦均勻，厚切大件，入口即化，口感超一流！大家食完都讚不絕口，值得推介！ 🧡艷影蝦球（$188）艷影蝦球都係呢間酒樓嘅名菜之一，果然不負眾望！係一味將蝦球同檸檬結合嘅創新菜，檸檬醬調味超出色，既開胃又中和到炸蝦球嘅油膩感，超有驚喜！ 🧡酥皮茄子（$52）睇食評見好多人都推介呢個酥皮茄子，果然都係不負眾望！茄子炸到圓碌碌好酥脆，驚喜位都係佢個醬，真係估佢唔到原來個醬係南乳醬，同茄子超夾，好正！ 🧡蟹肉蛋白扒豆苗（$158）蟹肉蛋白晶瑩剔透，豆苗好嫩，健康又有營養，正！ 🧡紫菜海皇炒飯（$128）海鮮炒飯大份足料，唔會好油膩！

突如其來禁晚市堂食，無辦法慶祝老公生日。本來預約左幾間私房菜都暫停營業，外賣都唔做。尋晚打電話問孔夫子有無做外賣，仲what's app外賣promotion 餐單俾我。4餸一個炒飯。因為外賣，又要攞返屋企，食物都凍左。最好味係呢個牛助排，好淋又唔油脂餐廳仲用錫紙包住枝骨俾我。叉燒嫌太厚切

今天兩個仔女為我慶祝生日，朋友推介，選了官塘這間飯店，地點不近地鐵站，出站後行大約10分鐘才到，但位置容易找到。遲到了15分鐘，店員也幫忙留了位。忘記影飯店的裝潢，但環境乾淨企理，檯與檯之間有足夠空間，沒有壓迫感，未開始食已經感到滿意。食物上檯第一味是黑毛豬叉燒,價錢有點貴(一份222元)，但真是一分錢一分貨,叉燒味道可咸甜適中，肉質鬆軟有咬口，半肥瘦，真的好好味，一碟雖然件數不多，但我一個人也吃了3件。

觀塘區要搵間比較靚嘅中菜唔容易，呢一間裝修靚，而且好似好high class咁。 入到去個感覺裝修得真係幾靚，而且 menu都係寫係ipad嗰度。餐牌有套餐， 價錢有兩種:一種三百幾一位；一種五百幾一位。 另外，亦都有散叫。但係因為套餐未必啱食，所以我哋就選擇散叫。見到好多人都嗌魚，然後再加砂鍋，因為我哋好少人，所以冇叫，下次多人一定會叫， 因為喺呢度嘅名菜之一黑毛豬叉燒＄222一碟，好貴但係見到好多人都推介，所以我哋亦叫咗一碟 黎到一碟有八件，件件都係厚切而且叉燒蜜汁非常多仲好肥瘦適中，真係好味呀呢度魚類比較出色，見到有呢個奶湯雲吞煲，應該都係魚湯製成所以就叫咗一鍋。黎到啲湯奶白色， 飲落真係好有魚嘅鮮味，好清甜食得出以真材實料炮製。而且餛飩都唔少，每隻都大大粒，入面啲蝦都好爽口好味!夾埋啲菜清清地咁，大人細路都啱食當然唔少得叫碟魚我哋嗌咗翡翠鮭魚球，真係好新鮮咬落去肉質有彈性，新鮮魚 魚夠大塊厚肉，有魚嘅鮮味推介金蔥燒蹄筋呢個反而一般， 雖然份量好多，但係味道一般，食落有少少漿住嘅感覺。銅盤生焗鱔飯都係我期待嘅一個菜 返嚟到新鮮熱辣辣，廚師係攞焗盤焗出嚟嘅啲飯有少少硬，但係加埋啲汁