李圓圓 (寶安大廈) (已結業)

之前在荔枝角李圓圓飲過一杯黑糖珍珠鮮奶紅茶印象深刻, 紅茶味濃&黑糖珍珠煙韌😋👍 李圓圓珍珠奶茶可說是全港頭三甲之一今天來到旺角分店叫同一杯飲品, 可惜這杯紅茶味偏淡, 幸好黑糖珍珠保持水準, 黑糖甜度&煙韌度適中. 外賣包裝亦很別緻&方便攜走👍

咁我張相果杯就係我揀既黑糖珍珠鮮奶紅茶，我自己係揀半糖少冰既。如果學我朋友揀黑糖珍珠鮮奶就無得自己揀甜度同冰既份量！🙈我認為半糖其實就吾算好甜，已經好適合我自己口味。我係真係飲到佢個紅茶茶底味既，同時又會飲到黑糖既甜味，但就吾多覺佢個奶味！如果真係好想飲到個奶香味，咁應該就要揀佢地個黑糖珍珠鮮奶紅茶2.0，因為佢地話2.0 會落多30%鮮奶！我覺得佢珍珠彈牙得黎又軟糯，但就吾會癡牙。因為之前有飲過既珍珠係會癡牙既，但佢呢間既珍珠就吾會有咁既問題！👍🏻我朋友就話佢杯黑糖珍珠鮮奶既珍珠煙韌好食，成杯野吾會太甜，好正咁話喎！😏

🥤🍼☕️| 黑糖珍珠鮮奶紅茶 / 半糖少冰| $30 |支持黃店！！！李圓圓喺香港開咗分店好耐！旺角呢間就好似係新分店，今日經開走咗去試～一拎到手就摸到啲黑糖珍珠暖暖地，食落好好好好入味同好煙韌，好好咬！個人鍾意茶味濃嘅珍奶，所以冇揀到2.0飲落茶味同奶味幾balance，不過我偏愛茶味重啲嘅奶茶，如果鍾意奶味重/味道平均，李圓圓絕對係一個好嘅選擇！//PS如果想飲凍啲嘅，叫返正常冰量會好啲因為佢啲黑糖珍珠啱啱炒起好暖，啲冰都融得幾快！

好耐以前已經有朋友向我推薦李圓圓，而一個出名挑剔嘅food blogger都擺李圓圓喺佢嘅number one🥇，所以一直都想試下。香港本店喺佐敦，呢日經過旺角，見到開咗分店。擇日不如撞日，一於就入去試返杯🥤果然名不虛傳，味道好不在話下，珍珠仲好煙韌Q彈，鍾意咬口嘅你一定會鍾意呢到嘅珍珠。因為珍珠係現煮嘅，熱辣辣，所以凍奶嘅溫度會令到啲珍珠變硬。店員好貼心咁提我哋，飲嘅時候唔好大力搖，會令到珍珠因為凍咗而變硬。攪杯嘢飲嘅話都同樣會令珍珠變硬，所以可以按照個人喜好決定攪幾多個圈，我就大概5-6個圈啦～黑糖珍珠鮮奶 2.0 ($33)每杯飲品都有個「2.0」版，會比原本增加咗30%鮮奶分量。所以我呢杯黑糖珍珠鮮奶 2.0嘅鮮奶都好濃味。凍鮮奶再加上預先炒熱咗嘅黑糖珍珠，有冰火交融嘅感覺。如果你平時只係飲開珍珠奶茶嘅話，飲呢個可以話係另一種享受，值得一試！黑糖珍珠鮮奶紅茶 ($30)我叫咗半糖，茶味會出啲。如果你鐘意重啲茶味嘅珍珠奶茶，呢個係一個唔錯嘅選擇。加埋佢最有特色嘅珍珠同埋黑糖嘅甜味，就為杯奶茶增添唔少色彩。珍珠份量好多，差唔多有成半杯，飲晒啲奶茶之後仲剩翻好多🤣Menu: