八方台式麵屋 (新都城中心二期)

营业中

休息中

難得無能政府放寬堂食限眾令到四人，本想和朋友堂食，可惜餐廳爆滿就唯有繼續外賣回寫字樓吃。真的很抵吃，值得寫個食評。中午很多學生，因為有學生優惠。【濃香麻醬麵】很大份，絕對夠飽肚，味道亦可以接受，麻醬是沾蒸腸粉那款，有半隻熟蛋和小白菜拌麵。【麻醬椒香乾拌麵】比麻醬麵香口又幾種椒香味道，辣辣的很開胃。【韭菜鍋貼】原來是八方雲集那隻韭菜鍋貼，其實剩吃5隻我都夠飽了。【皮蛋豆腐】絕對要吃的小食，有日式酸甜醬汁和木魚碎作拌碟，加上皮蛋超夾！【冷泡桂花烏龍】冷泡茶味道比較細緻，這個天氣亦覺解渴。【黑糖珍珠鮮奶】珍珠有些黐在一起，不過味道是不錯。

疫情期間大多時間都是自己煮，偶爾外賣頓然覺得好滿足今星期試下台灣菜啦7點酸辣湯麵已經賣完了，沒有機會一試都有d人龍，都好快...點餐到走得大約等10分鐘。點了水餃麵餐$54配韭菜鍋貼(+$2)，套餐沒有包飲品，我自行加黑糖珍珠鮮奶(+$20)麵質：彈牙有口感，唔會過林，湯底濃郁👍🏻👍🏻有2條菜🥬不錯！鍋貼：回到家食仲暖不過可能漏左比醬汁，幸好家裡有辣豆瓣醬～一流即刻味道昇華滿滿的韭菜和精華，餡料一d都唔乾黑糖珍珠鮮奶：響冇任何request情況下，不會過甜，幾好

新都城最近翻新左唔少，行街見到間新開嘅台式餐廳，價錢貼地，就順便喺度食晚餐~懷舊飄香滷肉飯~分量幾大碗，採用半肥瘦豬肉，富油香但不過分油膩，肉質厚實，撈飯一齊食感覺滿足☺️滷蛋吸收晒滷水汁精華，食落帶有鹹鹹嘅蛋香味道~彈牙紅燒牛丸牛腩麵~湯底牛肉香味濃郁，微辣，有少少刺激味蕾嘅感覺，牛丸夠彈牙，咬落去有爆汁感覺，非常juicy~牛腩燜得都夠林，肉質滑嫩~原味鍋貼五隻~鍋貼啱啱好，有煎過嚟餃子皮夠香脆，但內裏嘅豬肉餡料則能保住肉汁，咬落不會乾身~台灣腸~最喜愛呢味菜，因為台灣腸既皮焗得香脆，同內裏軟林林既肉有強烈對比，口感豐富，而且帶有少量油脂富油香~冷泡桂花烏龍~估唔到冷泡茶都有咁香濃嘅茶味，加入桂花令濃郁嘅茶帶有微微桂花香，有解膩感覺~黑糖珍珠鮮奶~滑嫩嘅鮮奶配上甜甜嘅黑糖味道十分夾，加入煙韌嘅珍珠令整杯飲品更有口感~而且賣相也不錯，外型夠吸引~

寶琳新都城新開咗間台灣菜《八方麵屋》，新屎坑湊熱鬧去試下，估唔到有驚喜😝服務嚟講，侍應服務態度好好，好貼心；另外，雖然店內坐滿客人，但落咗單之後上菜好快，抵讚！店面幾光猛，臨近萬聖節仲有少少裝飾添👻叫咗個豐味牛肉麵套餐，有碗麵，可以加錢加配小食同飲品。懷舊紅燒三寶麵 ($65)（餃子、牛丸、牛腩）個湯有好濃嘅牛味，太好飲，食到後面會有啲覺得個湯唔夠多🤣牛丸好彈，值得一讚！加埋紅白蘿蔔令到成碗麵感覺好豐富、好飽肚。溫馨提一提，因為碗湯嘅芫荽味會比較重，如果你唔鍾意芫荽嗰陣味，記得喺叫呢碗麵之前同侍應講呀😊夜市花枝丸 (+$15)唔係講笑，呢個好好食！！！花枝丸口感外脆內彈牙，灑上胡椒鹽，食到停唔到口🤤冷泡茶南投桂花烏龍 (+$12)跟餐嘅嘢飲揀咗冷泡茶，味道係南投桂花烏龍。其實今次係我第一次飲冷泡茶，估唔到用凍水沖茶係一樣咁好飲，茶味清香，唔甘苦。嗰晚飲唔晒，第二日仲飲緊，但佢一啲都無苦澀嘅味道！另外以下係散嗌嘅：基隆廟口麵線 ($22)基隆廟口夜市係台灣一個幾出名嘅夜市嚟，而麵線就係入面其中一樣必食嘅嘢嚟。呢碗麵線以「廟口夜市」嚟命名，就睇下佢係咪真係咁好食啦！麵線軟爛啱啱好，口感滑順