一芳台灣水果茶 (已結業)

之前喺網上見有人介紹過, 但就一直未搵到機會試. 皆因見佢無時無刻都有條小人龍.今日見星期六去開旺角朗豪坊shopping, 咁就同朋友排隊買黎試試.我買左杯佢地推介嘅一芳水果茶, 而我朋友就叫左杯黑糖粉圓鮮奶茶.先講一芳水果茶, 入面啲生果都幾新鮮, 有熱情果, 蘋果, 橙咁. .可能因為要求左小甜, 所以味道就酸多過甜, 不過味道幾清新, 入面d生果又有咬口. 至於我朋友揀嘅黑糖粉圓鮮奶茶, 我就覺得正常甜度都幾甜下, 可能佢本身黑糖已經係甜啦~不過, 我覺得兩杯都好好飲, 值得推介.

近期一方水果茶個名好響，大家都排隊就係為左試吓佢嘅招牌水果茶🍊🍋🍍🍎同埋黑糖粉圓鮮奶茶。水果茶長期都有，但係粉圓成日都會賣晒。今日難得仲有貨就梗係飲黑糖粉圓鮮奶茶啦！首先叫呢款嘅話佢嘅甜度係固定左嘅，今次叫咗杯暖嘅，飲落好濃黑糖味，粉圓有別於一般珍珠，比較細粒同軟身。一般珍珠奶茶飲半杯已經咬到好攰。我覺得飲佢就好似食緊一樣黑糖嘅甜品咁而奶茶底都幾香滑有茶味。總括嚟講都比一般嘅珍珠奶茶高質！

星期六晚上，終於等到一芬無咁多人排隊可以去試吓。排隊時前面大概有6,7人，大概等咗5分鐘。排到時就決定試吓杯大杯裝的凍黑糖粉圓鮮奶茶。應該係黑糖嘅關係，所以無得加減糖同冰嘅份量。俾完錢又等咗大概十五分鐘，終於都攞得到杯奶茶。一摸杯底，黑糖係暖的。店員吩咐要搖匀先好飲，所以影完相，拿拿聲搖好就飲了。雖然無加減糖，但我又覺得無想像中咁甜，我又覺得剛剛好嘅甜度喎。而珍珠係用細珍珠，但有濃濃嘅焦糖味道，同店鋪的介紹一樣，珍珠有用焦糖煮過。就算要等得比較耐，我都會為咗個焦糖味嘅珍珠再去光顧的！

一芳#試過深圳 來試一下🇭🇰👇🏼推薦？？收銀員小姐姐說這款不能少冰少糖 因為都設定了最合適的味道 剛拿到時 珍珠微熱 冰塊不多黑糖珍珠微甜 淡淡的黑糖味 珍珠口感不錯 很有嚼勁 而且很多！ 整杯東西最愛的是珍珠！但是和一般的奶茶店對比 奶茶茶味偏淡了很多 奶味也沒多少 基本不算好喝的奶茶（在深圳喝也有這個感覺）個人覺得濃一些比較好但是甜的珍珠和淡的奶茶中和起來好像也不錯就是還是感覺茶味淡拉低了整杯奶茶的水平喝完的感覺是 不會胖十斤哈哈哈