Tonkotsu 8 by 三田製麵所 (香港國際機場機場一號客運大樓)

营业中

休息中

今日黎左機場呢邊接男朋友收工，一場黎到，順便食埋個dinner先。由於都仲係疫情關係，機場而家都變得冷冷清清，人客好少，所以到左晚上，機場既食肆都已不多，係接機大堂呢層，都相當冷冷清清，但唯獨呢一間拉麵店，門面仲係人頭踴踴，所以我們都沒想太多，異口同聲講了：不如去食拉麵。門面都長期人客不少，好彩我們岩岩有座位，不用等位。餐廳內有十數張檯，估唔到已坐滿食客。看過餐牌，看到價錢都十分合理，並沒有是因為係機場而變得海鮮價。餐牌有散叫的亦有個相對抵食的二人餐。所以我們為免煩惱，點了一個二人餐。內可選兩個主食、兩個小食、兩罐汽水。下單後，食物上菜速度都十分快。先講一下我點了的黑蒜油豚肉拉麵，賣相好靚，黑漆漆的黑蒜油好香好濃，湯底好惹味好香，蒜香好吸引。而且仲令每啖麵料都足滿了蒜香味，大滿足。另外一碗是香辣豚肉拉麵，紅紅的湯底看似火辣辣好惹火。食起來香香辣辣，不會只有火辣既口味，是一碗辣得來仲帶有香味既拉麵，仲可以食到豚骨湯底味，又香又辣又濃肉味，唔錯。而且唔會過辣，是好惹味既推介。拉麵既麵條彈牙入味，唔錯。豚肉大大片，豚肉味道都唔錯。吸引。小食當然有點日式餃子，皮薄餡靚，滿滿既餡料，煙韌既餃子皮

每次去到機場都唔知食乜嘢好，因為成日覺得會又貴又唔好食。今次搭夜機要搵地方食晚餐，行嚟行去後尾見到呢間拉麵價錢合理就嚟咗呢個食啦！見到餐牌都算有唔少嘅選擇，有飯，有撈麵，又有拉麵揀！最後同朋友一人叫咗一碗拉麵。原味豚骨拉麵 ($73)豬骨味湯底有啲淡，拉麵嘅麵質比較硬，豚肉比較薄身，肉嘅分量比較少。溏心蛋都尚入味，算係碗拉麵我最欣賞嘅部分。黑麻油豚骨拉麵 ($79) 加上黑麻油嘅豬骨味湯底味道濃郁好多， 而且充滿麻油香味，令碗麵嘅味道昇華咗！拉麵加上黑麻油湯底好食好多 不過麵質同埋豚肉質素同分量同另一碗一樣。好彩預咗搭飛機有飛機餐食，所以食唔飽都唔緊要。如果想飛之前食下日本嘅拉麵，呢度都應該係你唯一嘅選擇，可以嘗試但係唔好太高期望！

夜機返香港一落機就要醫肚，哩間拉麵位於Arrival Area附近，店舖出面有一大個位置比你擺行李，好方便。餐單簡單，可以配小食同飲品為套餐。餐廳亦有水供應，啱晒落機脫水嘅我地。各款拉麵都濃味，又啱晒落機口淡淡嘅我地 店員上菜速度都好快，等大家可以快d食完去玩或者返屋企。佢唔會因為係機場而減少配菜，有得好似平時拉麵店手磨芝麻。唯一係店舖入面會比較逼，同埋客人來來去去。拉麵質素OK，係有dd唔夠味，唔知係咪因為多麻油蓋過鹹味，另外加芝麻會豐富d。