任我點‧掂 (已結業)

今日叫左點點王子$36首先講左個仙草底，好好食，好滑，甜甜地，好清新。而芋圓同地瓜圓就失望了，兩款既味道都好淡，如果撈埋個椰奶底就會蓋過啲香芋味同地瓜味。真係要就咁食先食得出個味，同埋佢比坊間嘅芋圓大粒好多。可以揀紅豆/薏米，寒天qq出奇地好食haha至於分開裝既原味麻糬就好一般，係假甜。總結，份量好多，味道正常。

葵廣呢間芋圓真心好好食，差唔多每次去都會食水準keep到每次都一樣咁好食，而且好足料🥳次次必點‘點點王子’（$36）入面有仙草凍、芋圓、地瓜圓、薏米、原味麻糬同寒天QQ芋圓好煙韌，麻糬亦好軟糯💯一碗有晒唔同料，一次過滿足晒唔同既願望👍真心推介！😍去葵廣掃街必定要試❣/😋食物質素：8.5/10💰性價比：7.5/10👣回頭率：8/10/📌任我點‧掂葵芳葵富路7號葵涌廣場2樓2026號舖

🍧點點王子 💰36一碗芋圓入面有仙草凍+芋圓、地瓜圓、薏米、原味麻糬同埋寒天qq！超級多料好豐富🙈薏米好煙韌 食慣紅豆可以試一下！會更加清爽 唔會死甜！原味麻糬個人覺得好甜！可能浸過桂花糖水🤔有一陣好明顯嘅桂花味道 但係我幾鍾意🙈而且咬落好淋口 好似係牙齒入面化開咁 同一般嘅糯米製品好唔同😉芋圓地瓜圓個D就正正常常值得一試😍而佢地都偏大粒 唔會話入面好似未煮熟咁樣咬開係粉狀😹寒天qq就真係好彈口！可以解膩

<葵廣篇>任我點。掂 #葵芳點點王子 $38 仙草凍、芋圓、地瓜圓、薏米、原味麻薯、寒天QQ既然有王子當然都有公主啦，公主就有愛玉凍、芋圓、紫薯圓、地瓜圓、紅豆、大西米、原味椰果 $38今次揀咗點點王子，不過因為賣晒芋圓，所以就得返地瓜圓、紫薯圓。佢哋嘅地瓜圓、紫薯圓的確好大粒，但係口感同味道都麻麻哋，完全食唔出有地瓜或者紫薯味，亦唔夠煙韌彈牙。而且佢嘅原味麻薯都只係一粒好細粒好淋嘅粉團，而唔係真係好有咬口嗰隻。不過加咗啲糖水椰漿，整體味道其實都ok，唔會覺得淡而無味，就連啲薏米都浸得幾有味。味道: 3/5性價比: 3/5