走肉蔬食研究所 (已結業)

D2 Place有好多餐廳選擇，行行下見到一直想試的素食，menu上面的選擇都好得意好吸引。入面非常大，有好多張枱，好似課室格局。點餐後會有個beeper，響先出去自取野食。喺等野食期間就可以出去拎任食小食，會有一個三格小盤，可以無限出去添食，有薯仔絲、車厘茄、粟米粒、青瓜絲等等。不過個盤好淺，拎的時候要好小心先筆到落個格到。另外，仲有湯都係任添的，不過當日冇哂都冇職員添湯。雖然明知黯然銷雲飯唔會係叉燒，但賣相都好吸引，有煎雙蛋加麵筋扮的叉燒，加埋豉油，其實都幾香幾好味，不過就唔似叉燒質地。呢個泡菜牛肉意粉幾有驚喜，牛肉雖然唔係真的，但依然有肉碎感覺，但味道就淡左少少，唔夠惹味，不過就炒得好乾身。

💛近排素食開始盛行，其實去支持良心小店都可以搵到素食架😆咁就放心又健康啦XD今次黎到荔枝角D2 Place嘅走肉蔬食研究所，店內空間好大，裝修走校園風，好似返左小學時代🏫(仲有傳統鐘聲😂😂)餐廳以半自助形式運作，除左主食之外，仲可以出去任拎湯水同前菜 (酸辣青瓜、甜酸蘿白、粟米、沙律菜、小蕃茄、酸辣薯粉、薯仔沙律等等)店內仲有小量board game 同漫畫提供，如果唔多人，當cafe咁休閒坐一個下午都唔錯架👍🏻今次我地就叫左 "黯然銷魂飯" 同 "台式滷水拼盤配台式肉燥飯"，當然全部都係素食啦😆😆"黯然銷魂飯"上菜嘅時侯，如果你想要食飯焦，店員仲會細心安排一個煤氣爐同煲仔比你，咁就可以自製飯焦啦😍😍 蛋係半生熟，用黎撈飯一流👍素叉燒味道都幾似真叉燒，不過口感就差左少少~滷水拼盤味道唔錯夠哂入味，有豆乾，蘿白，豆腐，同滷蛋😝而肉燥飯真係幾可亂真，又夠味，真心唔錯，不妨一試👍值得一提嘅係佢任食嘅前菜真係唔馬虎，酸辣青瓜同酸辣薯粉都係爽口彈牙仲好開胃，我地都忍唔住添左幾次🤣🤣推介大家一定要試試😁😁

難得去到荔枝角，試吓一啲特別嘅餐廳先～ 淨係聽個名已經覺得好得意，一去到見到餐廳走學院風（？）淨係睇門面都知，黃色經濟圈嘅同伴啊！素食者有多一個選擇啦！毫不猶豫就入去食，估唔到嘢食新穎得黎，仲幾好食添！所有午餐套餐都係$75，包含一個主菜，一杯飲品，仲有湯同埋前菜放題，好抵食！之前都幾有質素，可惜太飽，淨係夾咗一次～咖喱羊腩配麥香抓餅 本身以為剩係得手抓餅，點知有埋飯，夠晒飽肚！咖喱汁唔辣，一份有五舊素羊，仲有啲薯仔同蘿蔔，都幾豐富！麥香抓餅食落唔油膩仲幾fresh，不過始終係素羊，食落就唔似羊嘅口感，反而似肉丸。黯然銷魂飯朋友點左一個港式叉蛋飯，雞蛋超流心，係出色嘅太陽蛋，叉燒就同外面食嘅齋叉燒差唔多味，不過不失啦～

一個星期，先後食左兩次，一次食中式，一次食西式。要喺門口點餐，點完去揀位坐。兩次都係lunch 去，都好易有位，可能因為鋪位大。枱面仲有車仔麵揀，下次可以試下。1️⃣黯然銷魂飯$72素叉燒顏色靚，有咬口，醬汁唔算多，加埋少少蛋漿乾濕度啱啱好，唯一美中不足係唔夠熱。2️⃣豆乳卡邦尼意粉$70個名係以豆乳行先，以為會有啲豆漿味，但其實無！如果鍾意少汁，應該會鍾意，個人應為淡左少少，要加胡椒粉先有少少味！3️⃣小食廚房對岀有張長枱，放左唔少小食，仲有沙律俾大家食。個人鍾意食青瓜，有少少辣，味道啱啱好！兩次去都有湯，一款中湯，一款西湯，仲飲完即止。

行街經過見到環境唔錯，就選擇係度食午餐，環境唔錯 空間夠大唔會太嘈可以靜靜地食飯點左個黯然銷魂飯雖然飯量唔多，但賣相好，味道唔錯仲有杯蘋果茶，唔會太甜 味道岩岩好有機會會再試下其他嘢食。

呢排想一星期有三至四日食到素愛護動物亦健康d，食少d激素肉放假黎呢間餐廳試一試餐廳好大，走文青風格！好似學校咁！都幾得意因為我地下午三點幾先黎所以無乜人下午茶每個餐減$12即係$60一個餐連飲品Okay喎黎到先知原來有個自助區全部都好好食！特別係酸蘿蔔同埋芝麻醬椰菜絲有個細碟仔，好有誠意仲有湯同糖水但我太飽了無試到～比唔到comment～男朋友嗌左個黯然銷魂飯$60原來佢係素叉燒撈埋蛋汁同豉油好正份量亦好足！唔夠飯出面自助區可以加飯！岩哂男士唔怕素食唔飽啦而我嗌左個黑松露豆乳雜菌炒意粉$60佢標榜即炒黎到真係熱辣辣！！黑松露醬落得啱啱好！！好香好好味！佢個汁唔會好水 沾滿哂意粉堅推介雜菌都好足料初頭見佢細細啲驚唔夠飽點知食完又夠喎佢又有前菜有野飲其實好夠！唔夠可以食埋糖水$60抵到呢總體而言服務好！姐姐超有禮環境好坐食物好味又健康價錢抵食我一定一定會再黎架我同男朋友都覺得呢餐好滿足超好評呀

D2Place 新開校園feel素食餐廳 #走肉蔬食研究所 . 餐廳好有校園feel，好光猛，有幾款lunch set，車仔麵，仲有自助Salad Bar同湯，非常扺食🤩今次試咗：💚黯然銷魂飯 $68💚快活鮮茄焗豬扒飯意粉 $68兩款午餐都好足料，叉燒雖然係平時買到嗰種，但係碗飯有好多好多叉燒，仲有兩隻蛋😍焗意粉個汁好濃，有茶餐廳feel😋食完飯可以行下附近嘅特式小店，狗奴仲可以帶埋主子嚟㗎😁^餐廳純素款式暫時唔多，希望遲啲有多啲嘢揀啦