can‧teen (世紀廣場)

营业中

休息中

can.teen 嘅第四間分店進駐咗蘭桂坊，地理位置真係超方便，絕對係一班白領一族嘅午餐之選～新店除咗主打「快、抵、好味」之外，仲加入咗港式回憶同埋健康等元素！今次嚟到一定要試下性價比極高嘅自家明爐燒味飯系列😚-🎈皇牌黯然銷魂飯 $59我發現真係好多人叫呢個皇牌黯然銷魂飯，叉燒外層燒到少許焦香，半肥瘦咁食落好軟稔！再配埋燶邊太陽蛋🍳篤穿蛋汁撈埋豉油一齊送飯，正到呢🤤-🎈白咖喱吉列豬扒飯 $65白咖喱甜甜地咁好惹味，配埋香脆嘅吉列豬扒👍🏻超好送飯☺️-🎈龍蝦汁海鮮炆飯 $68唔好睇佢外表平平無奇，但食落啖啖都係龍蝦汁味🤭裡面有切到細細粒嘅蘑菇、青口、魷魚、蝦仁等，自己幾鍾意食😎-🔸can.teen📍中環德己立街 1-13 號世紀廣場地下高層 A 號舖

第四間「can.teen」登陸中環核心地帶蘭桂坊啦～主打「快、靚、正」港式快餐，有焗飯、上海湯麵、白咖喱、海南雞等等，用料上乘、火喉十足又講求健康，尤其新店限定的自家明爐燒味飯，性價比超高，絕對是附近上班一族的一大福音～皇牌黯然銷魂飯 - $59一塊塊色澤紅潤油亮的叉燒，可自選瘦叉、肥叉或半肥瘦叉十分貼心。外焦內嫩的半肥瘦叉燒，肉質特別軟嫩多汁，醬汁香甜帶油香，好有風味；香煎太陽蛋的邊緣酥脆，流出濃濃蛋黃汁；白飯吸飽叉燒的醬汁及蛋黃，特別滋味。招牌去骨海南雞 - $69份量頗多的海南雞，無骨啖啖肉。薄透的雞皮爽滑而不膩，雪白的雞肉嫩滑，富濃郁雞香，配薑蓉、濃黑醬油及酸辣汁變化多端；雞油飯有淡淡雞油香；萵筍絲爽脆又清香；更有老火中湯滋潤一番。龍蝦汁海鮮炆飯 - $68熱得冒煙的炆飯，每一粒充斤著濃厚的龍蝦汁，內有鮮蝦仁、青口、帶子、魷魚等豐富海鮮增添鮮味。泰式龍眼冰 +$15凍檸茶 +$13飲品可自選甜度及冰塊。特別喜歡龍眼冰，有多粒龍眼肉，入口清甜透心。