重慶劉一手火鍋店 (已結業)

冷氣開得好大， 記住要帶多件褸。 環境坐得很舒適， 很寬敞， 不過食完成身一陣味。自己可以整自己喜愛嘅醬汁， 啲料都幾新鮮 👍左邊係正宗重慶麻辣火鍋， 我哋嗌咗小辣， 味道非常好， 愈食愈麻辣 😋 右面係皮蛋芫茜鍋， 清清地幾好味👍。 佢哋個鍋比較大， 可以一次過放好多嘢， 仲有個小籃子， 煮食嘅時候唔洗搵唔到啲細粒嘅食物 😆手切牛頸脊， 非常鮮美。龍躉非常新鮮， 好值得食。魚蛋芝士丸超級好味， 手打蝦丸非常彈牙。👍不過就對粟米貢丸有少少失望 ， 因為硬咗少少。迷你生煎包都有少少奇怪， 放咗落啲湯之後淋曬 😅娃娃菜， 金菇，蘿蔔， 全部都好新鮮。醬爆芝心魚蛋， 一定要試食 👍士多啤梨奶昔呢碟牛肉花係送嘅， 只要有兩個人like佢哋嘅facebook， 佢就免費送俾你 ❤太多花生

好開心呀我最鐘意打邊爐架仲要係麻辣仲要見到有鵝腸琴晚訂左9點半食劉一手 以為咁夜又星期一會冇咩人 點知門口都有人等位唔通真係好食到咁？我地被安排左坐樓上 要上樓梯 但見到好似可以經大廈個lift上 帶行動不便既老人家黎都唔洗擔心女朋友唔係咁食得辣 叫左半鍋豬骨湯 半鍋麻辣湯個爐都相當有力 有6個level簡 好易控制呢個就係我期待已久既鵝腸了都好足料 清曬啲肥膏 洗得好乾淨 有冰鎮住6十五秒就食得！沾左麻辣湯既鵝腸 簡直係人間享受強烈建議大家叫小碟牛都要叫呢個呀呢個係鬼馬油炸鬼 入面釀左墨魚滑 唔洗煮都可以食得架喇（店員主動告知）我覺得煮左索曬啲湯正啲！龍躉呀！識食一定食皮好滑好鮮味 必叫！有冰鎮兩款牛肉 都有用冰鎮住最後但好重要重慶小麵口感特別 好索湯 可以根據個人喜好 6耐啲會林啲另外叫左烏冬 但重慶小麵正啲食得好開心埋單$1300到！唯一要講既係 青檸沙冰 好難飲 係成個青檸連皮搞碎 所以飲每一淡麵會有皮！根本飲唔到 酸到苦！

超正毛肚必食最近天氣開始變凍，朋友介紹下試咗呢間新開嘅重慶火鍋，入面嘅裝修非常復古，喺門口已經聞到一陣好大嘅火鍋麻辣味，因為開業已經有幾間傳媒報道過，所以我哋喺出面都排左好耐，最後要等左10分鐘先有位。我哋叫咗一個鴛鴦鍋底，當然主角一定係佢哋嘅麻辣鍋底，同行嘅朋友同我都係食得辣嘅人，所以我哋叫咗個極度邪惡嘅大辣。食重慶火鍋，一定有幾樣野係必食，首先佢哋嘅招牌劉毛肚，算係我食過咁多間麻辣火鍋最出色嘅一個， 輕輕煮十幾秒就已經食得，毛肚索晒啲辣油，食之前再點埋店員推薦嘅香油同埋蒜蓉，美味指數即刻升到爆燈。另外一邊嘅鍋底，我哋叫咗唔辣嘅龍蝦鍋底，主要係拎嚟煮菜同埋海鮮。龍蝦鍋底非常鮮甜，最佳拍檔一定係新鮮嘅龍躉，同埋呢一度獨家嘅油炸鬼蝦滑。龍躉味道十分鮮甜，油炸鬼蝦滑外脆內嫩。其他值得推薦嘅配料仲有功夫豬腰，同埋爽脆嘅鵝腸，肉類建議配麻辣鍋底，鵝腸煮十幾秒就食得，因為太耐會縮，豬腰就要耐d先索到味啦。總括來講，呢間劉一手味道正宗，而且店員服務都好好，都會介紹朋友嚟食吓同埋有下次。