居廬 Cafe (已結業)

周末同男友去搵食，今次嚟到太子。由太子地鐵站D出口，靠右手邊大直路一直行大概三分鐘，向左手邊就會見到一間睇起上嚟古色古香嘅小店。近日天氣涼左，而周末呢條街都比較靜，見到有些食客都坐左係店嘅外邊。店舖入面嘅座位本身都比較少同狹窄，咁岩今日我哋坐喺店入面嘅一張四人枱，同後面枱嘅人背脊對背脊。餐牌上面嘅食物都比較少選擇，但飲品就有好多，有咖啡、朱古力、雞尾酒……店嘅外表裝修得好中式，但餐牌裏面嘅食物都係西式。好快咁點左我哋想要嘅食物同埋飲品，咖啡先上，然後就係意大利飯，全日早餐就係我哋食完意大利粉之後先至嚟，好似比較耐咗少少…… 因為店內地方狹窄，好快食完之後就埋單走。我哋環觀呢條街嘅四周，都唔見有同類型嘅餐廳。總結一句，食呢類型嘅食物，都係想要一個比較休閑又坐得舒服嘅環境……

哩間想試好耐，但位置真係有D隔涉，所以趁今日佛誕假期，終於黎試試。11:30到達，唔駛等位，店內得4張枱，有D迫，冷氣唔夠涼，環境一般可能因為時間尚早，所以淨係得一個店員，全力一腳踢，不過店員好有禮貌，客人能夠體諒今次叫左5樣野1. 咖啡沙冰 - 咖啡味濃，沙冰細滑，值得一試2. 芒果茶 - 味道一般，似用一般糖漿溝出黎3. All Day Breakfast - 簡直係signature，個蛋煎得超正，D車厘茄都煎過下，好有heart，煙肉同腸唔會太咸，多士夠脆👍👍👍4. 火腿牛角包 - 芝士火腿無乜特別，但個包鬆軟香脆，令人回味😋5. 朱古力香蕉鬆餅 - Waffle雖然有點厚，但新鮮鬆軟，當餐後甜品啱啱好，唔會太飽，絕對比咖X弄出色總結：值得一試，可以再去👍👍👍

約11am到達，因為時間尚早，我們兩個小妮子成為左居盧呢日嘅第一客人 係炎熱天氣下，我地立刻衝到店內最入的四人枱就座，店內只有3張四人枱，空間狹小 睇睇個餐牌，寫住每人最低消費係一杯飲品，同咖啡弄一樣(其實我好唔中意呢個制度, 因為我個人不太中意飲品，我其實飲水就可以，而且認為啲飲品會塞飽左個肚，反而冇位食其他野) 一早未食早餐就去左，所以去到嘅時候超級肚餓，但店內只有一個店員，落單整野食收錢一腳踢，所以動作較慢 我地點左吞拿魚waffle($68)+All Day Breakfast($98)+芒果熱情果凍茶($36)+芒果凍茶(all day breakfast本身送一杯美式咖啡($28)，但我地兩個都麻麻地想飲，所以加翻差價要左杯芒果凍茶(原價$34) ) 點餐後等左差不多 mins先黎左杯野飲, 2杯野飲真係好不濟，個味太淡，冇咩芒果or熱情果味，好似飲緊平時紙包芒果汁溝水，而有熱情果嗰杯其實一樣味，都係紙包芒果汁溝水~~對佢嘅飲品表示失望 肚餓左好耐，終於黎左碟all day breakfast (個人認為$98唔抵食，因為材料其實都係啲普通toast, egg, 茄汁豆et