Cozy Cafe

营业中

休息中

葵涌人對Cozy Cafe第一印象一定係佢嘅隱世，地點唔易搵㗎，不過嚟到就知道值得，因為佢有世界最完美嘅焗豬扒飯！Cozy Cafe嘅豬扒，由老闆親自醃製，帶骨豬扒，肥瘦適中，煎完嫩滑多汁，放上珍珠米煮嘅飯，加上秘製醬汁同芝士烤焗，灑上香草再上碟。葵涌隱世Cafe，除咗形容Cozy Cafe嘅地理位置之外，Cozy Cafe仲會俾到你一種休閒寧靜嘅感覺，曾經試過午餐落大雨又無遮，坐喺佢嘅吧枱，望出面嘅滂沱大雨，飲杯咖啡，真係好chill！Cozy Cafe選用嘅咖啡豆係老闆親自烘焙嘅House blend 咖啡，客人可以預訂佢哋出品嘅機沖或者手沖咖啡豆，自行沖出Cozy Cafe的咖啡味道！曾經問老闆點解產品都親自製作？老闆話因為要保持高品質！老闆嘅堅持✊，相信就係呢間隱世小店一直客似雲來嘅原因！

同男友晨早流流等部車維修，好想揾個地方飲杯啡醒下🥱open rice check下，見到響附近有間cafe,一於行去。其實沿途都係啲舊樓士多，唔似會有間咁文青嘅cafe,響猶豫之際就見到11點幾，完全包場狀態，佢有一張枱outdoor,不過天色睇嚟會落雨，所以都係坐indoor。早上餐牌只有3個選擇，所以叫左個all day breakfast 同黑松露炒蛋多士，嘢食係即時用心制作，所以都等左一陣間嘅但見到個早餐就知道等都係應該嘅，好靚仔下，牛奶炒蛋好滑，薯餅脆香嘅，而多士烘到又薄又脆，沙律係用日式胡麻醬，腸仔就應該係台灣腸松露炒蛋好香，不過啲蛋整淋左本身應該脆身嘅多士，所以都ok啦，無乜驚喜位，但味道都唔錯嘅埋尾2杯咖啡都唔錯，尤其杯dirty, 隻杯夠凍，expresso同奶層次分明，雖然我不是專家，但男朋友都有讚杯啡係用心之作，整體都感覺良好🤭🫶🏻