Cozy Coffee

营业中

休息中

趁端午節放假(o^^o)緊係要去下cafe嘆下，過返個悠閒假期，所以今次簡左去狗狗友善的南豐紗廠🤤chill一下（不過原來假日好多人😂差唔多間間餐廳都排長龍）好彩我地訓晏左，2:30先到～過左peak hour，所以等左5分鐘就入得啦😛😛1. 黑松露帶子意粉🍝🍝好似$9x黑松露味超濃！！好入味😋要搶住食😂😂2. 培茶latte🍵佢係比抹茶烘得更耐 😄所以更加有茶香味～好大杯 $58！飲完都幾飽😂3.All day breakfast🍱不過不失🧐麵包看得好脆好有牛油味^_^ 大啡菇都好香好鮮甜😋（利申：我無食🤣聽返朋友講）不過又唔係話特別推介咁🤭可填飽個肚咁囉！

今日下晝三點鬆啲去咗南豐紗廠嗰邊，周圍望望有咩嘢食就見到呢間餐廳好似幾吸引，行入去睇睇咁岩又有位就坐低睇睇個Menu，眼見佢裝修都幾吸引走輕鬆格調，叫咗個卡邦尼意粉同埋一個全日早餐，原本想點試埋佢個培茶 latte，但成$50一杯有啲貴咁就冇叫到。等左一陣就有嘢食，先講講個全日早餐味道唔差，但唔算豐富不過個牛角包就幾鬆軟好味。而個意粉亦都唔算好 Creamy 但係味道出奇地好，唔會有食幾啖就好滯嘅感覺。而服務就基本上冇乜特別，自己出去落單自己攞餐具但係佢就會送餐過嚟，唔太記得有冇+1服務費，如果有嘅話我寧願自己攞返個餐。

星期日一早同fd 食brunch紗廠最早開門就係cozy10 點半，只有一台客要去counter order 同比錢，食物會整好送過黎，依個服務唔錯All Day Breakfast, 炒蛋好滑腸同三文魚，蕃茄都係甘上下薯角鐘意佢細細條甘，會脆口d牛角包我地差唔多遲半個鐘後先食，仍然係脆既carbonara 隻味唔會好鹹， 外加d 煙肉脆粒增加口感，令到整體有提升野飲係最先上，咖啡唔會偏苦偏酸，但咖啡味濃，係唔錯食物普遍都要等20 分鐘先會上，所以最好唔趕時間，黎hea 下慢活下係唔錯而且人唔會好多，聚會傾計唔會嘈親人，又唔會趕人走，係好地方！

今日去到南豐紗廠嗰邊，試吓佢裏便嘅Cafe，呢間Cafe個感覺好開放式，俾人嘅感覺好休閒，所以我入咗去試吓。佢食物嘅種類唔算話好多，我叫咗一個all day breakfast，同埋一個蒜香番茄香蝦意粉，因為過咗2:30 ，所以冇得就咁加$6有一杯咖啡， 2:30後飲咖啡需要散叫，所以最後叫咗一杯cappuccino，係OpenRice睇到有人話要等好耐先上菜，可能今日唔算太多人，所以等左大約10分鐘所有菜都黎齊啦。首先食咗個all day breakfast，佢個三文魚同個牛角包都幾好味，但我覺得個薯角就一般，煎得唔夠香口，而炒蛋同腸仔都不過不失。跟住我哋再試蒜香番茄香蝦意粉，呢款菜式值得推薦有意想不到嘅驚喜，味道真係唔錯，個蒜味同番茄醬味配合得剛剛好，而蝦亦無雪藏味，呢個係值得一試嘅菜式。

假日同朋友去活化左嘅南豐紗廠逛下，睇吓展覽。無意間見到呢間餐廳，環境都幾靚，我地又行到攰攰地，加上見到食物賣相都好吸引，所以就揀咗呢間餐廳食個lunch。但由於係假日關係，當日都係座無虛席，所以我地都要等左一陣位。食物方面，我哋叫咗兩個我哋All day breakfast，一杯軟雪糕朱古力。All day breakfast好豐富，牛角包非常酥脆，兩款香腸亦都好美味；煙三文魚就冇乜特別都係一般嘅口味，唔會太咸；沙律菜非常新鮮。軟雪糕朱古力非常好味，軟雪糕好幼滑牛奶味香濃。呢間餐廳俾人感覺非常之輕鬆舒服，非常適合行到攰，坐低同朋友傾計飲嘢。唯一要注意嘅就係呢度係要自己去買嘢食同埋自己搵位嘅。

今天和老公的拍拖節目是參觀南豐紗廠，紗廠唔算大，但都進駐左唔少餐廳、cafe等等。行得攰攰地當然想坐低hea下啦！身為cafe控嘅我首選揀d有輕食而且坐得舒服嘅，平時都會上下openrice睇有咩新餐廳，原來呢間一早已被我收藏之列今次我地嗌左一個all day breakfast（$78）同巴馬火腿水波蛋吐司（$62），賣相好靚，不過份量少而且用嘅材料好普通，味道好一般而飲品係要另外叫，一壺熱茶大概$40，連埋我男人杯咖啡埋單大概$220，性價比較低，除左會再黎南豐紗廠，否則應該唔會再黎