sensory ZERO (One Island South ) (已結業)

去海洋公園之前發現自己冇食飯，上網見到有人推介呢一間，所以就特登去咗黃竹坑站。一入到去環境非常好，餐廳好大。我哋嗌咗個和牛飯，all day breakfast 同埋豬扒牛角包蛋配芥末醬。和牛飯果然冇令到我失望，五成熟剛剛好，差在冇嗌多一碗。All day breakfast 算不過不失，唔可以話好差但係冇乜驚喜。豬扒牛角包，豬扒同埋炒蛋都係一流，唯一敗筆就係芥末醬，可能我自己食唔慣先會有咁嘅感覺。飲品方便，始終都係覺得呢度嘢飲偏甜，如果你鍾意飲甜嘢，你一定會愛上呢度嘅嘢飲。 住喺黃竹坑附近又或者準備去海洋公園嘅你，不妨考慮吓呢一間都頗特別嘅cafe!

第一次黎黃竹坑食嘢，呢度好易搵，一出地鐵口就見到。一入到去，感覺好舒服，大多數用木枱木凳，坐落又幾舒服，亦都有沙發位。呢間Cafe有幾多嘢食選擇，叫左個all day breakfast，腸仔同煙肉火候煎得啱啱好，好Juicy! 分量適中。炎炎夏日，叫番杯sparkling coffee，飲落出奇地夾。推介比中意試新野既人。有得join埋泰拳, so funny