天吉屋 (已結業)

今次同朋友黎到食呢個日本過江龍 係日本食既天婦羅真係好食好多😭又脆又唔厚粉 同香港個啲完全冇得比今次就試下佢係咪好似日本既咁好食🔆ALL STAR丼 $108有虎蝦，紅鯛魚，軟殼蟹，魷魚，洋蔥，雞肉，茄子，南瓜，四季豆同温泉蛋一個價錢食到咁多唔同款式既天婦羅其實幾抵賣相仲擺得好靚添！所以餸都唔會太厚粉又或者炸到太乾仲可以保存到佢哋既肉汁🥰跟餐有麵豉湯同沙律沙律加埋個汁黎食可以中和下食左咁多炸物既內疚感😂😂😂一個女仔食唒成個丼飯完全唔係問題！味道: 4.3/5賣相: 4/5

自天吉屋越洋過海喺朗豪坊開張後一直人頭湧湧，每次經過門口都不乏等位嘅食客人龍，未有機會嘗試。呢日因為近期疫情驅使，竟因禍得福可以唔洗排隊直接入座。正如日店一貫作風，主打天婦羅就只主攻天婦羅，菜式選擇單簡而精。先斟一杯牛蒡茶濕濕喉嚨，牛蒡獨特嘅芬香撲鼻，吞咽後仍留於齒頰間。點餐後店員會送上一盤椰菜絲及柚子醋，可自由添加，柚子醋酸酸咪咪，頓時令沙律生色開胃不少。終於入正題天婦羅丼絕對依餐牌配圖比例製成，炸軟殼蟹堆積成小山丘狀，餸仲多過飯！！！有六大件軟殼蟹，金黃酥脆，殼薄肉多，入口仲帶油汁，好juicy；不過食多幾件略微有啲膩，建議配以餐枱上嘅醬料食用增添鹹香，會更惹味。溫泉蛋吹彈可破，外層包住一層麵包糠薄膜，一咬開蛋液噴射而出，蛋香撈飯無得輸呀皇帝菜與櫻花蝦炸成花環狀，口感鬆脆，又帶蔬菜嘅嚼勁，配搭幾特別；比起南瓜、茄子無咁油之餘又香口啲。味噌湯同樣出色，配料足，有紅白蘿蔔、牛蒡、豆干絲、豆腐，鹹度適中，呷一口順喉消滯，非常滿足。朋友點嘅All Star，名符其實樣樣皆有炸蝦大小中等、肉質爽彈；紅鯛魚稔滑軟嫩，魚肉厚身有質感，以紫蘇葉包裹，表皮近似魚皮質感，黏滑彈牙；洋蔥加櫻花蝦嘅配搭惹

又要介紹天婦羅啦 呢間係朗豪坊都開左一段時間啦 我之前次次去都有勁長嘅隊 難得我上次可能過左lunch時間唔使排就入到去lu~~ 呢間係可以任添椰菜絲食仲會有啲柚子醋好開胃 同天婦羅食可以解膩 叫左最抵食最平個款【All Star丼】基本上乜都有齊連軟殼蟹都有！！仲要蝦魚魷魚雞肉茄子四季豆同溫泉蛋！真係食曬啲天婦羅都已經飽曬所以飯真係食唔曬我最鍾意嘅温泉蛋都有天婦羅 仲要係流心架好高水準👨🏻‍🍳呢間啲炸粉唔會太厚仲要keep到酥脆 呢間嘅炸物會比「天丼」更勝一籌但係價位亦會高少少 因為呢度全店嘅丼都要100蚊以上但係呢個質素非常對得住個價錢真係明白點解咁多人排隊