天吉屋 (已結業)

平時食啲有質素既日本野一定貴到媽媽聲，今次去食呢間由朋友介紹既天丼餐廳，本身諗住係旺角百零蚊呢個價位既應該都係一般般，無抱好大既期望，但去過之後已經打算介紹埋俾既他朋友仔，順便俾個籍口自己去食多次，佢啲天婦羅炸都岩岩好脆得黎唔會乾，個特制醬汁又正，人地攞黎點天婦羅，我用埋黎撈飯😂😂個汁加日本米真係屈機既👍🏻👍🏻可惜我敏感唔食得蝦蟹，因為我見到我女友食軟殼蟹天婦羅既時候，一咬開竟然見到係有膏嫁，OmG,連我唔食得蟹既都覺得好正，你話如果鍾意食既話會點🤤，呢間真心真心真心推介👍🏻👍🏻👍🏻

由開業第一日已經大排長龍嘅天丼，終於畀我食到啦！6點半去到，等咗9個字度，坐bar枱，如果唔係要再等！鋪頭的確唔大，但入到去見到其實都仲有位，四人枱坐咗兩個人，bar枱又兩班人中間隔個吉位咁，唔知係咪想跟番日式style, 等d客舒服d，但其實岀邊咁多人等，點解唔跟番實際情況埶生？得5個餐揀，一坐低就揀咗 All star 丼, 可以試晒咁多樣tempura！主餐黎之前，先有開胃沙律，有埋柚子汁，酸酸的幾好食，沙律仲可以無限任添！All Star: 樣子真係好吸引，大大碗，砌得好靚, 食落係鬆化，唔係脆身，係好食嘅，但黎到已經唔係熱辣辣，少涷，但又真係見到佢廚房入面即整嘅，唔知咩原因！枱面有酸蘿蔔，牛蒡，可以解油膩！計埋等嘢食，半個鐘已經食完🤣! 總括黎講，嘢食係ok嘅，但無得bk位，次次都walk in 真係幾辛苦！鋪頭入面同門口d服務態度都差幾遠，入面好好，但門口收銀黑口黑面，問嘢都好似覺得你煩咁，另一個門口同事更加厭煩到講”做咩條隊又多咗幾隻嘢”！似乎對佢地黎講，多客係一個煩惱🤔🤔🤔！有得bk枱前應該唔會再幫襯！咪哂嘢！