Jello & Mellow

营业中

休息中

無幾耐之前同大家推薦過嘅Vive Cake Boutique估唔到最近開左間新姊妹店!姊妹店Jellow & Mellow佔地超大,而且仲設有小朋友區域可以比小朋友放一放電隨便玩樂.除左專為小朋友而設嘅區域外亦會定期舉辦唔同嘅工作坊.雖然我仲未有小朋友但見到Jello & Mellow嘅design真係好靚同好夢幻就去左試試.大阪燒薄餅無幾耐去完大阪已經開始掛住大阪見到呢到嘅招牌大阪燒薄餅就即刻點左試試薄餅麵團煙韌得黎充滿麥香批邊同批底香脆又唔會過乾Pizza餡料帶住粒粒大章魚,再配上炒麵同大量木魚碎味道同日本大阪燒風味一樣整個餡料惹味得黎又香濃蝦汁大蝦扁意粉大蝦份量好豐富大蝦肉質好爽彈拆左殼後啖啖肉配埋大蝦汁令蝦鮮香更濃郁韓瘋炸魚薯條將經典嘅炸魚薯條加入新元素炸魚以竹籤串起再以炸脆片包住感覺好似韓式熱狗入口香脆唔油膩北海道8.0牛奶軟雪糕配自製棉花糖及啫喱粉藍色同粉紅色嘅棉花糖好靚雪糕香滑綿密用上北海道8.0牛奶奶香更濃郁底下配上啫喱令層次感更豐富是日精選蛋糕 – Be Zesty是日vive 經典蛋糕之一以檸檬罌粟籽蛋糕配上日本柚子吉士檸檬戚風蛋糕濕潤輕綿柚子同檸檬清香感覺充滿夏日

今日由鰂魚涌行過去太古城時，路經一座商廈時見到呢間新開親子餐廳試業中，午餐$128黎講又唔算貴。搭lift 上到黎就睇到裝修環境好靚，仙氣滿滿，坐得闊落，好多娛樂設施，小朋友可以玩樂，大人可以食飯，好適合一家大細去。是日餐湯為粟米湯。明太子意粉 $128表面舖上色澤晶瑩亮麗的三文魚籽，粒粒脆感瞬間在嘴裡爆開鹹鮮滋味。魷魚肉質彈牙爽口不過韌，加上明太子調味份外鹹香惹味。醬汁調較得柔滑濃稠，意粉煮出Al dente輕微韌度的口感，每一根都掛上濃滑的奶香。Avocado Monster牛油果芒果青瓜香蕉果昔 (午餐半價優惠$35)樣子別有一番趣意玩味，頂層舖滿豐盈細滑的忌廉，Smoothies打得幼細，甜度不高，清新又冰涼。