A Tavola Bar & Grill (已結業)

好種意去將軍澳海旁食飯，今次選擇左意大利餐廳A Tavola Bar & Grill。餐廳大間，有好多座位，室內裝修高雅，室外亦有座位。魷魚墨燴飯 Squid Ink Risotto$158燴飯係薄薄一層，不過隻碟好大隻，所以其實份量十足。燴飯配上creamy黑色墨汁，裡面有多款海鮮，例如魷魚、蝦、青口等等。咸度適中，亦有海鮮味，我欣賞個墨汁唔會好水狀。BBQ醬燒豬仔骨(半份)Baby Back Ribs (Half)$238豬仔骨半份，有6大條，BBQ醬好夠味道。豬仔骨下面放滿粗薯條，仲有半條烤粟米，真係好大份量，食完好飽肚！

入黎澳南海岸商場行街，先知到原來呢度有好多餐廳，各類菜式應有盡有。今晚揀左間bar & grill，餐廳氣氛好好，可以輕輕鬆鬆咁嘆番晚，呢度仲有大電視播住足球賽事，有好味嘢食又有酒飲，啱哂一大班人黎睇波飲嘢，chill 番晚!水牛雞翼(6件) $98雞翼烤得香脆，辣度啱啱好，配埋惹味水牛醬，又juicy又香辣又惹味!煙三文魚沙律 $125煙三文魚配生菜沙律、蕃茄仔、洋蔥、甜椒及青瓜，每樣沙律配料都好fresh、好新鮮。BBQ醬燒豬仔骨(半份) $200半份的豬仔骨已經好大份，2個人食未必食得哂。香滑美味既豬仔骨再配埋熱辣辣兼外脆內軟既香辣薯角，非常好味!下次再黎附近的話一定會encore呢間餐廳!