Electric Ave (已搬遷) 新店位置

【號稱城中最佳漢堡🍔西營盤全球排名2️⃣1️⃣Burger😍】依間漢堡店係各大食評平台都攞到超高嘅分數💫係香港首一百位嘅餐廳，而佢更成為咗全球排名第廿一位嘅漢堡包店😍入到西營盤就專程去試一試究竟有幾好食🦦餐廳環境係偏美式漢堡店feel,門口有兩張高枱，左右係紅磚牆，非常有特色😋—《 #Black Daddy 》$160 ⭐⭐⭐⭐💥Burger種類非常多，揀咗好耐先決定到，一場黎到緊係要試下signature嘅aged beef，夾熟成牛肉嘅burger都非常少見😯牛肉揀咗medium rare，切開有粉嫩嘅紅色😍個包超厚身兼鬆軟值得一讚👍🏼個burger超級juicy,個肉係有少少筋位係入面，幾有咬口，搭配個汁，芝士，洋蔥同酸青瓜，好好味🤤原本幾期待試下中間個black pudding係咩味(內臟製嘅腸)，但結果食到尾都無食出到black pudding😂—《 #Rosemary Fries 》$40 ⭐⭐⭐💥又係最愛嘅幼薯條，真係整到好有rosemary嘅味道，好特別，都炸得夠香脆👅

間舖唔算多位，所以平日lunch去食都預咗要等，咁啱嗰日星期五大家可能仲放緊假無乜人，唔駛等位🤭諗住試下Go for it burger,見到menu話有洋蔥，諗住問下有無得唔要啦，點知老闆答我個洋蔥係精髓尼架，唔要嘅話佢唔整，好啦，諗住少少地就試下啦。點知佢原來係煮熟咗嘅洋蔥，配合埋個醬汁加車打芝士又真係出奇咁好味喎，搞到我後悔咗一下叫咗少洋蔥🤦‍♀️跟餐有個薯條，個薯條配合埋個應該係自家製嘅蕃茄醬超好食，同行友人不停咁叫老闆加茄汁，好好笑🤣🤣總結 : 薯條係新鮮炸嘅，漢堡份量都幾大，細食嘅朋友可能未必食得晒，如果食唔晒都可以拎走個薯條繼續慢慢食🤭