Rang Mahal Authentic Indian Cuisine (已結業)

再試 #中環印度菜 呢間係topshop附近，夜晚6、7點黎無人門面只有一人，落單上菜咩都做哂，但服務幾好，會介紹下野食咁先黎#raita #青瓜乳酪 （白色果兜）呢個配答未試過，🥛乳酪唔會好甜 加入🥒青瓜粒 幾fresh👍🏿主菜叫左 #chickenmakhani 即係#奶油咖哩雞 #🐥呢個係印度好出名既一種咖哩汁，唔辣，加入牛油、紅腰豆蓉，好滑；雞件好多！而且好嫩😋#Naan 叫左兩款，#onion 同 #cheese兩款都好正🤤4塊熱辣辣😍中間既涵唔少！唔會好厚/韌👍🏿順帶一提，🧀印度芝士係拉唔到絲架最後唔係好夠喉，叫多左個#samosa #咖哩角 #🥠 印度既咖哩角唔似香港果d三角形、扁扁的係個立體三角錐體⛺️脹卜卜🤤切開入面仲出緊煙😍包住薯仔粒、青豆等，有少少辣，但好香濃💕美味指數：9/10成餐都好滿意！唯一差少少既係野飲#lassi 有鹹味、甜味同芒果芒果味還好，比較「傑」有少少難啜，乳酪味唔係好出鹹味其實都知唔會好味😂但又屎忽痕想試下，乳酪味好重但真係鹹左少少，上面灑左少少黑色香料，同乳酪唔係好夾🤔

人生終有幾個重口味既朋友，經過佢地長時間既洗腦，終於踏出第一步試下印度野！門外漢既我當然等於朋友們發板啦！印度烤雞（$98/半隻）呢個烤雞唔係好似咖哩咁，佢比較乾身但好入味，用香料同乳酪整成，都幾開胃。烤羊膝（$108）呢個都幾驚喜，初初都會擔心印度餐食羊係自尋死路（一定好羶🙈），點知又唔係！佢香料味相對無烤雞咁濃，所以唔會蓋過左羊味。適當既根位令羊膝煮到好冧身，而且有成兩大隻，相當抵食！瑪沙拉燒雞（$108）食印度野點少得呢啲！呢個係印度菜都幾出名既一款咖哩雞，唔算好辣，雞既份量都幾多，點埋啲薄餅食真係唔錯。Cheese Naan ($48)呢個勁好味，芝士味好濃，就咁食已經好正，有少少拉絲既感覺。點埋啲咖哩食都唔會蓋過啲芝士味，好味道！佢有好多款薄餅，我都試左香蒜、洋蔥薄餅，但都係芝士最好味！總括黎講，雖然我對印度菜都無咩特別研究，但整體黎講都容易接受同味道都唔錯，也許都打破左我對印度野既睇法，原來印度菜都唔係想像中咁嫁喎！