Deli and Wine (已結業)

好友約Good Friday 聚頭…美好o既一天…當然由雙雙歎個靚早餐開始…哎唷唷~~~想必係Easter好多人都外遊了!!...十點到來, 居然只有疏疏落o既客人...比對上次平常來o既一個周末, 要揾位等位…實在感覺更讚了啊!!......令人更加可以欣賞餐廳o既環境氣氛同細味眼前食物…享受自在輕鬆o既感覺...一坐吓就忍吾住...頻頻叫聲”好舒服啊!!!”…喜歡餐廳o既一邊透著充足o既自然光…滿室壁畫, 壁燈吊燈…花花小瓶各式各樣o既小擺設…仲有小書架排放著書藉…加添文化氣息啊!!...另一邊箱燈光柔和...大大小小o既木製餐桌, 沙發坐椅 …只聽到些少輕輕細語…同廚房內工作o既聲音…寫意呢!!到櫃枱點了餐…拎號碼牌, 可靜候…職員自會為客送餐…同一樣餐, 我要了多士, 好友則愛一丁…份量豐富而且味道不俗架!!雞扒煎蛋雜菇$33…厚切雞扒一大件, 炒蛋嫩滑 (應是两隻o既份!!)...炒菇菇係至愛呢!! 加埋烘得靚靚o既脆多士…好開胃!!...食到一點都不剩啊!! 雞扒煎蛋一丁...同樣售$33配兩杯熱咖啡...ook架!响TST文化中心…有環境有服務有口福…攞$33去”是他不”

之前已經幫襯左兩次, 今次一次過寫返哂d食評只因佢d食物算有水準, 值得一試再試今次食常餐（Daily Set) , 一碟义燒意粉, 火腿, 炒蛋, 多士, 呢度d义燒好食過哂其他大x活, 大快x, 美x, 果d快餐店, 意粉亦都夠彈牙, 唔會一pat野咁!炒蛋亦炒得好滑身, 一d都唔腥, 加埋片香噴噴牛油多士, 唔知點解連片多士都好味過人, 真係無得彈囉! 老公食磨姑雞扒飯, 佢d雞扒真係幾好味, 煎得好香, 肉質又嫩, 份量亦ok 對上果次食左咖哩蝦飯, 唔算太辣, d蝦都幾爽口, 仲有試過佢d漢堡包同薯條, 一樣係好有水準, 特別鐘意佢d薯條夠哂大條, 少少辣味好鬼開胃!

前後食了三次…仍然很喜歡！常餐好抵食！最正的是叉燒竟比學校CANTEEN 更好食！而且湯意粉更是我食過最好食的湯意粉！畢竟意粉配湯是有點奇怪，但想不到仍是如止好食！相信在湯底下了不少功夫！咖啡雖可接受…但我期待好食…感覺是用機器弄出來 必食之選！忌廉汁調得很好！扁意粉也十分彈牙！正！整體…能在尖沙咀,以這個價錢..有這個環境和美食！實算難得！絕對適合GATHERING ！

因為在附近工作的關係所以常常到deli and wine 吃東西。很喜歡deli and wine, 雖然menu上的食物午晚也沒有變過，但因為每一樣食物也有不錯的水準所以即使食得很頻密也不會對這裡感到煩厭。而且最重要的是這裡環境很舒服，慢慢地享受一杯咖啡實在很不錯。早午晚餐中最喜歡早餐，又平又好食$25一份full set breakfast 包焗豆，多士，煙肉同炒蛋。炒蛋好滑又有多蛋汁，煙肉略為乾左少少，不過呢幾樣野加埋個厚多士真係好一流。奶茶過甜不過夠滑，咖啡會好飲d.lunch 食過常餐/ 腸仔肉醬意/ 白汁意粉常餐最好食，有好佻早餐一樣咁好食既多士同蛋，加一個叉燒意粉，腸仔肉醬意同白汁意都係普普通通不過不失。不過只係食環境deli and wine 已經係尖咀區最perfect