茹絲葵牛排餐廳

心血來潮19號打電話過去訂位，好好彩都比我訂到20號尖沙咀嘅Ruth Chris! 係6點入座，講明8:30要還枱。疫情下餐廳應該係唔夠侍應，成間餐廳仲有好多位冇開出嚟做生意🙁2人晚餐叫咗holiday menu：House Red蟹餅Beef CarpiccioOyster Rockefeller 6oz Beef Sirloin 8oz Beef Sirloin Button MushroomCreamy Spinach Lime Sorbet以上各樣都好有水準，尤其係蟹餅，好多又大塊蟹肉，一啲都唔欺場，細食嘅朋友食完呢兩件蟹餅應該可以直去甜品😜好多餐廳都做唔到medium rare，牛扒上到枱都已經變medium，Ruth Chris仍然做到，件medium rare牛扒超正！個人麻麻地creamy spinach，可能已經係太飽，覺得好漏。食曬咁多樣仲飲埋咖啡，埋單都係$2100蚊。

最貴既一餐午餐，鄉下仔出城，未去過啲咁高級嘅餐廳食嘢，起初都有少少猶豫，因為望到個Menu真係幾貴下。但身邊既幾位骨蜻朋友都不約而同地推介左呢一間餐廳，特別指明係佢地既Steak 。第一次黎的話，千萬唔好怕醜。William 專業有耐性教我地點樣選擇：真係一分錢一分貨，雖然真係貴，但果一種滿足感，並唔係你求其食一間扒房或西餐廳可以相比。而且環境十分舒適，職員熱情又專業。如果未食過嘅朋友，好建議你哋選擇一日特別日子，帶埋你心愛嘅人去試一試。

生日/週年紀念/氣氛總有啲日子需要一啲有氣氛燭火晚餐嘅餐廳。今年生日決定食西餐。一星期前訂位，前一日同當日都有人打黎confirm booking。七點準時到達，reception有個講流利廣東話既南亞裔人士，個心好驚喜，佢非常有禮貌。入到去，Waiter會先greeting 再介紹自己然後問我地飲咩。當日叫左兩款牛扒 fillet and rib eye牛柳比較淋身少脂肪，但估唔到肉味濃厚。肉眼 有咬口，比起牛柳有咬口但係都唔會好un.生日送甜品連即影即有，估唔到送即 士多啤梨cheesecake 好開胃，酸甜。如果兩千budget內扒房 其實選擇唔錯。