Favilla Cafe (已結業)

鰂魚涌有好多間餐廳，但唔係間間都可以做飯堂。最近多數都係幾個人食飯，反而試到多啲唔同小店，仲估唔到有驚喜。店子小小，坐位大概只有10多個，開放式廚房設計，大家可以聞到烹調食物的香氣，好在抽油煙機夠勁，就算食完都唔會一身油煙味。揭揭餐牌，有All day breakfast、定食、沙律等等，選擇都算多。明太子雞翼定食（辛口）原價$98每個定食都有主菜、湯、沙律同水果。有三隻雞翼，每隻都脹卜卜，咬落有滿滿明太子，一個人獨食三隻無難度！沙律同水果都新鮮，加埋碗珍珠米，夠哂飽。燒縞花魚定食 原價$98一樣係有主菜、湯、沙律同水果，呢條魚睇落就己經大大條，燒得剛剛好，唔會太乾，一個人都真係食唔哂一條。Flat White 跟套餐價 $27從牛奶中感受到咖啡味，而咖啡入面都搵到滑溜的咖啡。提提大家：12:45前離座或14:00後入座可享85折

上午十一時多想食個輕食Brunch，發現呢間小小咖啡店開左門，入面座位不多，大概只有5-6張枱。餐牌食物款式亦不多，有全日早餐，亦幸好仲有早餐輕食餐。餐牌小心思，係用木牌刻上飲品清單，咖啡有基本Black or White，豆仲有得揀Fruity or Nutty。個人喜歡飲Flat White，半價轉飲，揀左Nutty風味。咖啡杯用小木盒裝住，有特色亦可以防杯太熱(可能杯較薄，剛到時有點燙)。萫茄牛油果碎蛋吐司(可以揀吐司/酸種包/牛角包)，當日胃口不太好，所以揀左吐司。吐司上塗滿牛油果醬，有小小檸檬味，更開胃。