FRITES Belgium on Tap (曦巒) (已搬遷) 新店位置

同中學同學聚會，佢地推介呢間餐廳。餐廳環境好靚，樓底好高，有好grand既燈飾，古色古香既吊扇，唯一略嫌環境有點太暗😂我地叫左三道菜。第一道係Seafood Linguine。 好足料，有好多青口同蝦，個cream醬加左香草，配個linguine食好好味😋第二道係 Fish and Frites。 個人道覺得呢道既炸魚就一般，但個薯條好脆好香。第三道就係 Frites House Mussles。 半公斤，但已經好夠食，青口夠哂大隻，配個sauce食好正。整體食物質素唔錯，環境有情調，係會encore既一間餐廳。

兩個女仔唔太大食, 呢一晚只點了 Frites 既 House Mussel （1/2 kg) 同埋 Seafood Linguine.1/2 kg 既 Mussel 味道整得恰到好處，仲有薯條伴碟。雖然青口既Size有啲細，不過份量好多，唔腥，唔肥膩，唔咸，我地當初都好驚食唔曬，點知食完一隻又一隻，食到停唔口，一陣就KO左成煲青口。其次既就係個Seafood Linguine, 大大隻既老虎蝦放左上啲意大利麵既上面，意大利麵下面就舖滿左青口，唔係求其撈埋一碟就就出街，所以即使未食落肚，薺睇賣相都覺得好吸引。我地仲將呢碟野既青口，一次過丟曬落去剛才果煲仲淨返好多湯既House Mussel，食清曬，好好味～呢個Seafood Linguine難得既係隻蝦非常之噤厚肉同彈牙，真係估佢唔到！值得再去食！