Dear Coffee & Bakery (已搬遷) 新店位置

平時到大圍，一般會去另外一邊搵食，因為會比較多小食店。今次去到呢邊感覺好唔同，四周圍都係舊式嘅小店、酒樓、診所等等，突然萬綠叢中一點紅，見到Dear，咖啡癮起，好想飲一杯，亦都比佢門口一句說話吸引：快樂。是一種選擇。☺️1）full breakfast - 炒蛋、煙肉、芝士腸、薯餅、炒雜菜、水果 $88🥚🍳2）flat white $35☕️3) 玫瑰花茶 $40🍵食物選擇唔算太多，主要係輕食：沙律、三文治、蛋糕果撻，因為lunch hour,我點左Full breakfast，分量剛剛好，中午女仔食一份，唔會太飽，食得晒，食物配搭亦都合理。地方唔算大，同場有兩三台女生食蛋糕飲咖啡，環境舒服，適合兩三人傾下計。

家住大圍 但工作關係甚少於大圍吃飯難得有半天假期 餓到不能再忍受終於肯落樓搵野食lol發現完家樓下就有一間小店Cafe😍店小小 食物選擇不多 一向對full breakfast 興趣不大 所以打算叫chicken toast可惜已經沽清 所以最後還是點了full breakfast 及 Matcha latte味道不錯 但full breakfast 份量有點少吃完還是肚餓😂🤦🏻‍♀️建議可以加一塊toast, cost 不高之餘又可以增加飽足感，讓大食既朋友食完唔洗再另外搵野食😂

享受難得的星期六早上，同女朋友2人去左lee間cafe。lee 間cafe係大圍火車站附近，但又唔係市中心，所以唔係太多人識去。試左佢地2款All day breakfast，味道相當唔錯同埋佢地嘅牛油果Toast真係好好味呀嘆住個靚早餐，渡過一個無憂早晨，實在係最好享受

話久仰大名都不為過，網上睇得太多關於佢個紫薯包一直想抽空去J返個！適逢放假早左起身，擇日不如撞日啦。小店位處巷仔，某馳名乳鴿舖後邊。遠睇好細地方白色水泥牆，推開木門，店面面積係頗細，但超高樓底加上古典式裝潢、原木質感的枱椅、陣陣飄來的咖啡香...I'm loving it可惜嘅係紫薯包已sold out撲左個空。Honey Americano ($28)我好鍾意呢杯americano呀，兩舊浮冰咁嘅大冰，加上呢個兩層layer嘅賣相已經令我一見傾心。咖啡飲落冇酸味，可能係蜜糖中和左，淨係覺得飲得好舒服，咁就夠啦叫左個伯爵茶栗子包 ($45)，價錢好似係咁上下，總之我都打個突因為都幾貴下，但一場黎到點都試下d野食嘅。個樣消防鐘咁好可愛，加熱之後外面有少少脆，仲聞到淡淡嘅伯爵茶香。咬落去內裡煙韌，加上香甜手剝栗子而唔係糖漬栗子，好滿足另外加多個full breakfast ($88)，熱熱辣辣送上黎。all day breakfast好多比較，呢度嘅的確唔算outstanding，但睇住佢即嗌即煮，令小小嘅地方頓時充斥住煎肉同炒蛋嘅油香，又多左份溫暖感。

大圍近年開了很多特色cafe,,作為正宗港女去探個路影個相,,絕對是假日消閒好節目.海福花園的寧靜,,完美襯托出小店的格調.店員親切有禮,,做出來的食物和飲品都非常有心思.

難得入大圍咁當然又要搵下有咩好食啦同友人已經一段時間無見，所以想搵間靜靜哋嘅coffee shop食個靚午餐其實係大圍嘅coffee shop唔多，掃街同隱世小店為主。好彩比我搵到呢間又唔錯喎一行二人叫嘅野唔多，一個full breakfast、無花果芝士撻、兩杯latte Full breakfast個蛋炒得好靚重有少少生好濕潤。煙肉薯餅都唔會食到好油嘅感覺，薯餅微微有點焦味道還好腸仔係肉身比較淋嘅但外皮做唔到脆嘅效果啲菜新鮮夠靚麵包係Homemade嘅，食落似蜜糖麵包嘅味有點太薄，厚啲食落會滿足啲Cream cheese打得好soft微酸牛油蛋糕做底，唔太甜新鮮嘅無花果片加上少少嘅開心果粒增加口感如果個牛油蛋糕可以鬆啲就更好啦咖啡味都夠濃，而且都幾滑。友人叫嘅又無飲到所以唔知味道如果，友人都飲晒應該唔差呱。奶同抹茶份量半對半比例。

雨天的Dinner, 😋😋好味！推介! 新開1個月咋.手造紫薯包：香軟，清新Matchu Latte: 香滑，唔太甜Full breakfast: 蔬菜新鮮，內有南非原產的多肉水晶菜（アイスプランツ），配上特調的沙律汁，真係好開胃。大草菇：煎得好香，多汁又厚肉另外煎香腸配上蜜汁，慢煮車里茄及炒蛋，可算是分量十足😋👍🏻