Little Napoli (已結業)

因為聽聞呢間pizza店係全港最正,所以幾遠都要坐車嚟試下🚌!間店係好靚嘅藍白色系,真係會令人諗到天氣成日都好好嘅Napoli💙🤍~而且店入面有一個明火烤🔥,睇住pizza喺入面烤真係一件賞心樂事~向來都喜歡吃菇類,所以點咗一個菇pizza🍄~除咗菇之外,仲有火腿同埋好多芝士🧀~佢嘅薄餅皮真係完全唔同平時食開嘅感覺~個餅皮好鬆好有空氣感,但同時亦係非常煙韌有咬口😋~重點係水牛芝士夠多,而且亦係有咬口嘅一種,唔係完全融化晒,不過就唔太食得出煙熏味~喺度等同埋食嘅時候都有好多人訂,但pizza當然要熱辣辣食!所以我哋選擇咗喺店入面食🍕~不過店內只有企位,而且店門口係大玻璃,真係有少少尷尬🙈🙈...不過佢嘅pizza真係好好食,話係全港最好真係不為過,期待下次再嚟!

跑馬地新店。廚師Gavino Pino來自義大利，一人主理，客人落左order，再用預先整好嘅Pizza Dough搓個Pizza Dough，再擺入去用磚頭整嘅焗爐10-15分鐘，確係新鮮出爐！🍕😋依家無得堂食，好多人特登揸車🚗喺車入邊食。原因Neapolitan Pizza厚邊，中間比較薄，真係好快就凍!但都強烈建議要試試！