影片
更多
2022-11-18
346 浏览
星期日去咗九龍灣志明橋打卡🤣，並順便探索一下旁邊新建成嘅海濱商廈有乜好食。幸好週末啲餐廳都有開，我哋最終揀咗「break」。小店係一間和風咖啡店，估計應該唔係連續吧。餐廳面積唔大，座位唔多，特別之處係中間位置整咗個屋頂🏡。另一邊收銀處就同時係沖咖啡嘅位。All Day Brunch早午餐餐牌適用於週末，所提供嘅食物以輕食類為主🍞，當中亦包含是日款式，價錢由$88起，屬正常水平，嗌飲品可享折扣優惠。南蠻炸雞牛油果醬丼($118)，🍚炸雞丼唔錯喎，大大碗，飽肚之選，如果想食得輕盈啲，可以轉沙律。珍珠飯撈匀牛油果醬莎莎一齊食🥑，入面仲有洋蔥同芝麻，食落令米飯變得唔單調。南蠻炸雞有成五至六件，而且每件都大大嚿，炸至外脆肉嫩，再配埋上面嘅燒汁食，好惹味🐔🍗。丼飯跟配味噌湯同小食，湯味道偏濃，帶蝦香；而小食就係味附螺肉🐚。玉子燒吉列豬扒三文治($88)，🥪雖然係三文治，但份量都有返咁上下。三文治餡料十足，玉子蛋🥚同吉列豬扒🐷各自都超過1cm厚，咬落口感豐富，而且配上沙律醬食，唔會太乾身。麵包塗上牛油，烘成多士🍞，但拎上手避免唔到有啲油，如果包層紙套住食可能會好啲。伴旁附有蘋果沙律🥗，可清清味蕾。G
星期日去咗九龍灣志明橋打卡🤣，並順便探索一下旁邊新建成嘅海濱商廈有乜好食。幸好週末啲餐廳都有開，我哋最終揀咗「break」。
小店係一間和風咖啡店，估計應該唔係連續吧。餐廳面積唔大，座位唔多，特別之處係中間位置整咗個屋頂🏡。另一邊收銀處就同時係沖咖啡嘅位。
All Day Brunch早午餐餐牌適用於週末，所提供嘅食物以輕食類為主🍞，當中亦包含是日款式，價錢由$88起，屬正常水平，嗌飲品可享折扣優惠。
南蠻炸雞牛油果醬丼
$118
9 浏览
0 赞好
0 留言
丼飯跟配味噌湯同小食，湯味道偏濃，帶蝦香；而小食就係味附螺肉🐚。
玉子燒吉列豬扒三文治($88)，🥪雖然係三文治，但份量都有返咁上下。三文治餡料十足，玉子蛋🥚同吉列豬扒🐷各自都超過1cm厚，咬落口感豐富，而且配上沙律醬食，唔會太乾身。
麵包塗上牛油，烘成多士🍞，但拎上手避免唔到有啲油，如果包層紙套住食可能會好啲。伴旁附有蘋果沙律🥗，可清清味蕾。
Ginger Chilling(原價$58)，呢杯係特色咖啡☕️，佢由薑味梳打同濃縮咖啡溝成，並附上一粒薑糖㗳住飲。特飲嘅薑味無想像中咁強，但又無一般Espresso咁苦。搭伴有一條肉桂木🪵，散出啖啖香氣，但就千奇唔好浸落杯嘢飲度。
凍焙茶拿鐵(原價$42)，🥛焙茶拿鐵香滑，焙茶經煎香，唔苦澀，整體又唔會太甜，幾好飲。不過飲飲吓發覺味道同Mc Cafe嘅出品有啲似🙈。
總括嚟講，🎌呢間和風小店各方面都OK。我見商廈內西餐佔多，餐廳自不然有佢嘅獨特之處，難怪週末都有唔少人幫襯！
张贴
