Whatever Bar & Restaurant (已結業)

呢間位於海港城對面嘅樓上酒吧餐廳 裝修型格 設有室外同室內座位 環境唔算好大但都幾舒服企理👍🏼▪️Grilled Octopus with Garlic Herbs & Bango Sauce 🐙($118)八爪魚份量都幾多 入面仲有蘆筍同麵包粒配上蒜蓉甜醬油 食落幾惹味👅▪️Prosciutto Pizza🍕($118)以番茄醬做底嘅薄脆批 上面鋪滿巴馬火腿 芝士同火箭菜 再淋上少許黑醋解膩 食多幾塊都冇問題😆▪️Braised Oxtail Risotto🐂($158)燴牛尾意大利飯 加咗大量雜菌同牛尾粒 仲有蘆筍同彩椒 味道濃郁 略嫌部份飯粒硬咗少少▪️Raindrop Cake with Berries sauce🍓($88)甜品係水信玄餅⚪️(亦叫做雨滴蛋糕)呢款改良版嘅水信玄餅加入咗水果粒🤩 配埋雜莓醬一齊食 入口微甜 質感冰涼軟滑 好滿足🤤食物比預期中好 特別係甜品❤️美中不足係今次同朋友揀坐室內 但依然聞到好大煙味🚬🤧

餐廳走型格小餐館路線 有多款意粉pizza小食 連甜品都有 想chill d可以要求坐藤椅露台bar 仲可以shisha～～.▫️Grilled Octopus with Garlic Herbs & Bango Sauce $118😋👍🏻：👅👅👅.5/5分八爪魚份量都頗多 而且好彈牙醬汁用咗蒜香茄汁 酸酸甜甜咁 幾開胃仲有露筍同菇搭配 但食得多會覺得有啲鹹如果用黎整risotto/pasta應該幾好食～.▫️four cheese pizza $98😋👍🏻：👅👅👅.5/5分芝士控之選😍 一上菜已經聞到好香～入面有四種芝士 藍芝士鹹香度果然係最出😍餅底烘得好薄 帶點微焦咬落好脆身. ▫️lava cheese burger $158😋👍🏻：👅👅👅.7/5分最期待係食依個!! 超巨型而且係竹炭包個漢堡扒已經比芝士包圍住😍仲有煙肉 太陽蛋 同滿滿既菜包都好鬆軟 一咬蛋漿同肉汁勁juicy 個肉又唔會話過熟～～不過整體有d油膩仲有要讚粗薯條🍟 好好食熱辣辣同好脆係咁狂食😛 (佢個茄汁酸度夠 一度沉迷😂)如果沙律菜可以落少少醬會更好.總結，幾岩同frd聚餐飲下野 食物選擇都好多而且價錢又唔會話太貴

今日去完尖沙咀廣東道Apple Store處理維修，攪掂都已經5點零6點鐘。於是決定喺附近買外賣返去做晚餐。今次記揀咗喺流尚坊4樓嘅Whatever Bar & Restaurant。食物定價合理，眼見餐廳環境都舒服，下次可以試下堂食。Crispy Avocado w/Honey Mustard Sauce天婦羅做法嘅牛油果我都係第一次食，外皮香脆，裡面軟軟，再貼埋蜜糖芥末醬，令味道層次升級。估唔到牛油果可以咁食法。Grilled Octopus with Garlic Herbs & Bango Sauce依個小食，雖然八爪魚先係主菜，但我覺得醬汁更加出色。汁醬充滿蒜香茄汁味，酸酸甜甜的，同八爪魚好夾。而食依個小食嘅時候，唔應該用叉食，而係用匙羹，將八爪魚連埋啲醬一大匙羹咁一齊放入口。Pan-fried A.O.P Spaghetti 一個好簡單嘅意粉，但要整得好食，都要有一定嘅功夫同實力。依味清炒蒜香辣椒橄欖油義大利粉，不論辣度、蒜香比例都調配得好好，非常之咁惹味。真係好味嘅嘢其實可以好簡單。

抗疫都要食飯㗎😂就算無得堂食‼️外賣一樣照殺😎呢間之前堂食其實已經食過，點知原來佢都有做外賣😯所以一收工就順便去買返屋企🥰🔹Crispy Avocado With Honey Mustard Sauce $68我上次堂食食過💕超好食👍🏻估唔到牛油果都可以做天婦羅‼️完全係外脆內軟既口感☺️最特別之處係配蜜糖芥末醬汁🤩真係估佢唔到👍🏻個組合又幾鬼夾😂鍾意食牛油果嘅朋友必試‼️🔹Grilled Octopus with Garlic Herbs & Bango Sauce $118一打開個蓋，好香嘅蒜味飄晒出黎😌未食已經流口水🤤入面勁勁勁勁勁多八爪魚🐙真係食極都有😂食落好有咬口，本身個汁酸酸甜甜咁，好開胃下次應該整碗白飯😏連汁都可以撈埋🤩🔹Pan-Fried A.O.P Spaghetti $88意粉炒得夠乾身👍🏻但始終係外賣，返到屋企變硬咗少少🤏不過味道影響唔到😌雖然睇黎好dry，冇料冇餡😏但佢調味確實係出色‼️蒜同辣椒味都好出👍🏻食落好惹味💕我呢d蒜頭怪真係好鍾意果陣味😂外賣嚟講都算唔錯👍🏻你唔比我堂食‼️我外賣都照食🤣味道：4/5抵食

呢排夜晚冇得堂食，唯有同朋友食early dinner啦。我地四點左右去到間餐廳，環境唔錯，有室內同戶外座位。睇完餐牌，我地揀左Grilled Octopus with Garlic Herbs & Bango Sauce, Pan-fried A.O.P. Spaghetti, Four Cheese Pizza, 野飲叫左Hot Lemon Tea同Lychee Soda.Grilled Octopus with Garlic Herbs & Bango Sauce八爪魚幾彈牙，一啲都唔韌，朋友話個醬汁幾好食，幾夾，仲有啲菇同蘆筍伴碟。Pan-fried A.O.P. Spaghetti好開心有兩塊脆口既蒜蓉包，意粉偏煙韌，但略嫌油膩左少少。Four Cheese Pizza屬於薄批，芝士味濃郁，好邪惡。Hot Lemon Tea正常，Lychee Soda甜度適中，唔錯。