Helen’s

营业中

休息中

今日星期六， 趁週末約了一班尖沙咀之友飲酒 。記得上次去過這間吧 ，印像中氣氛和酒都不錯 ，所以決定介紹朋友試一試。和之前的感受一樣，一進入店舖便感受到音樂的強勁節拍， 昏暗的環境 ，還有周邊附有東南亞色彩的擺設 ，都為我們帶來衝擊感。這是我點了一杯cocktail🍸 名字叫520 。和它的名字一樣,，酒的賣相和味道都非常lady！❤️酒杯面鋪滿了椰絲碎， 酒以野莓和榛子為主， 口味非常濃郁 ，無論賣相和味道都十分正！朋友點了一杯helens' tea， 評價也相當高！👍另外我們點了兩款小食 分別是 香烤辣雞翼和烤雞骨腸。兩款小食都十分惹味 ，佐酒一流！最後朋友嫌唔夠喉 ，叫了多一round。今晚不醉無歸！

係同朋友們係厚福街食完嘢之後就去咗呢間之前係網上見過有介紹既呢間bar，之前網上介紹話裝修好有特色，酒既價錢又唔貴，當日早咗食完嘢就上去試下。一上到去就見裝修好東南亞feel，好有民族氣氛，又有啲神秘感，加入當日有萬聖節主題既飾品，更加有特色。可能因為平日同埋都仲早，酒吧入面就唔太多人。Menu都顯示咗好多唔同飲品，而當日已經食飽咗就無再叫嘢食了。第一次嚟，就叫咗杯佢既招牌Helen's($68)，試咗之後都覺得係自己鐘意既味道，幾甜，果味幾重，中間帶有既酒味又好香濃，而份量係cocktail嚟講都幾大杯。朋友叫既Old-Fashioned ($68)，小小苦又有啲果香味。Red Sangria($68)，果味最重既一杯!朋友之後再叫既Helen's Tea($68)，最鐘意既一杯，有啲淡淡既茶味，甜味又唔會太超過，加上小小酒味，雖然有啲復雜，但試就會好鐘意！