居廬 Cafe (已結業)

朋友S下午走堂, 無聊就四圍搵野食,走到太子附近openrice就走到這一間人氣餐廳。入到黎就叫左餐廳的兩個出名既食品: Honey Latte同草莓鬆餅。草莓鬆餅黎到, 新鮮做出黎熱辣辣, 好香。鬆餅很鬆軟, 加上草莓雪糕同果醬, 好食得黎好有滿足感。而且份量頗大, 就算兩個男生當下午茶都唔會嫌少。自己再叫多左一杯Honey Latte, 黎到見到個熊仔拉花已經好可愛老實講對普通餐廳黎講, 咖啡已經算唔錯。Coffee base偏酸, 但60幾蚊又唔貴, 有一杯咖啡送鬆餅已經算係一個perfect afternoon 因為我地係平日下午3,4點去, 成間舖得我地兩個。環境算係幾舒服, 但店面幾細, 假日應該排隊排好耐。惟一扣分係店員既服務, 可以下午冇咩人, 店員都係自己傾計, 好多時都冇理過我地叫野。

咖啡弄再好食我都不會為她浪費至少60分鐘來排隊, 相信好多人同我一樣有咁既諗法。TAKE A break之所以紅，我估係因為大家寧願轉戰其他地方，天時也。地利當然唔係佢吊腳既位置，而係佢中式裝修賣咖啡，有TALIKNG PT.人和就係佢有ＱＱ既小熊拉花，係相機先食既年代，大家都明我講咩。加左蜜糖既ＬＡＴＴＥ，一向係小妹飛佛，有埋熊仔係上面，冇得輸。話說小妹都學過一堂ＬＡＴＴＥ　ＡＲＴ拉花，心知道要拉出一個成日見既心型或者係一塊葉其，實，係，好，難，架！除左隻手夠定之外，仲要掌握牛奶既溫度，咖啡既密度等等既知識。所以整得咁ＣＵＴＥ，就梗係多人ＬＩＫＥ啦。至於呢度既鬆餅，就真係好一般。因為將融左既雪糕當ＣＲＥＡＭ搽，　呢Ｄ組合唔會死錯人，我就食唔出Ｄ咩驚喜。鬆餅偏向散而冇咩味。