Omotesando Koffee (已結業)

店舖走簡約風格，裝潢以木色、水泥色為主。入內點餐後，經小樓梯到上層把收據交給咖啡師，咖啡師便會按收據沖調飲品。開放式的設計，可以看到咖啡師沖調咖啡的整個過程。雖然地方不大，但仍設有堂食區。座位設計相當慳位，椅子可拉出和收入枱底，提升店內空間感。Iced Cafe Mocha ($58)咖啡味道香醇，濃郁芳香；朱古力醬味道甜美。兩者融為一體，於面層再加上了忌廉和可可粉，口感豐富，質感細滑柔順，餘韻令人回味再三。

這所咖啡店於日本是紅遍咖啡界，剛好到來灣仔，當然要品嚐一下！店內地方不大，設計風格簡約，以素色木系擺設為主。主要分為兩層，下層為點餐區，下單後拿著收據到上層交給咖啡師便可。上層則是沖調和堂食區；設計裝潢十足實驗室一樣。座位設計相當慳位，可隨意拉出及收入枱底，令店內空間感提升。由於是開放式，顧客可以清晰地看到整過製作過程。Iced Cafe Mocha ($58)雖然我點了凍Mocha，但我又不喜歡太凍，所以向咖啡師表明了不要冰。咖啡師說可以，不過份量會比正常的少一點。這裡是用朱古力醬的，所以朱古力味道濃郁，但又不會搶了咖啡的味道。口感軟滑、甜度適中。

我都幾鐘意黎利東街，除左啲燈籠影相幾靚，啲食店都幾特別，通常過黎灣仔，我地都會過黎行下，睇下有咩食。Omotesando Koffee 聽講係東京最佳咖啡店之一，灣仔利東街呢間都係佢地首間海外店，有唔少人都會黎朝聖、打下卡。我地都經過好幾次，又成日喺唔同社交平台見過佢地嘅玉子，可惜次次黎嘅時候都飽住個肚，未有機會一試。週六亦都係食飽野先過黎，唯有飲杯咖啡算。店內裝潢簡約，地面收銀處購買、外帶，行上幾級樓梯有堂食嘅位置。等候嘅位置會見到咖啡師製作咖啡，整間鋪頭瀰漫住淡淡嘅咖啡香，並唔濃烈，有別於港式連鎖店嘅氣氛，感覺上佢地嘅咖啡比較內儉。下午茶時間客人頗多，但尚有少量位置，驟眼睇落本地人、遊客各佔一半。供應熱咖啡 $32-$52；凍咖啡 $45-$63；4款輕食，例如三文治、多士、燴飯 $58-$118。Iced Cafe Mocha $58雖然係凍飲，唔會有熱飲嘅拉花，但都嘗試喺外貌上叫玩少少花款。杯邊唧上朱古力漿，面頭灑上可可粉，連同忌廉，外貌協會表示賣相滿意飲落咖啡味較淡，鐘意飲咖啡嘅男朋友就覺得較甜，缺乏甘味，未有提神作用唔喜好咖啡嘅我就覺得此摩卡較溫和、容易入口，朱古力醬有助中