Lamees

营业中

休息中

香港菜系多，身在香港都可以食到中東菜。不過通常呢d餐廳集中係港島soho附近。難得九龍都有，今晚黎試下。前菜叫左黑松露hummas。佢嘅質感好順滑，加埋橄欖油同黑松露，配埋pita bread食好開胃。麵包外脆內軟，就咁食都好正。由於好鍾意麵包，叫左個芝麻包，叫zatar，真係好特別。主菜叫左chorizo lamb sausage同埋lamb tender shokaf。羊腸十分香辣，個汁都好開胃。而lamb tender shokaf上黎擺盤好靚，d炭燒味好香，羊肉粒唔騷，唔鞋，好惹味。飲品叫左紅石榴茶，清新酸甜。同埋黎巴嫩紅酒，入口幾順滑。今日最深刻係甜品kanafeh。個芝士嘅甜味同埋酥皮嘅香脆口感好夾，配埋開心果，好好味。

諗唔到食乜好，朋友提議食呢間中東菜。其實之前已經食過2-3次，價錢唔算平，但一响質素都幾好。今次試咗嗰Hummos+ Pita bread，羊架，BBQ雞串，甜品Knafeh 乳酪蛋糕。叫咗嗰classic Hummus+ pita bread，一响都係咁好食，pita bread都烘到好熱。 羊架好香，半肥瘦夠juicy ，朋友食完立即俾like。BBQ雞肉串驚喜位係啲輕輕燒過嘅紫洋蔥，我哋怕生洋蔥會有種辣味，但呢度啲洋蔥係好甜，又唔係全熟嘅，仲有種爽脆感。最後甜品一直都有食開，今次終於知道，原來外面係刨碎咗嘅酥皮，入面係甜嘅芝士。呢個真心好食，同冇咩地方會食到。呢間中東菜會永遠喺我嗰餐廳list入面！