牧羊少年咖啡館 (葵青劇院)

营业中

休息中

葵芳勁有心思嘅拉花拉花就一陣再講，想講個意粉先黃金鹹蛋黃苦瓜忌廉雞肉意粉見到呢個combination真係比佢嘅古怪吸引咗意粉煮得啱啱好，雞肉好冧而苦瓜嗰個甘嘅出現就係為咗解除鹹蛋嘅油膩感不過個苦瓜真係好甘，我諗唔係個個接受到同埋食到最後鹹蛋同油結咗怕油嘅朋友仔可能要試試其他奶油咖喱豬扒配珍珠飯呢個反而有啲驚喜個豬扒本身已經醃得好入味就咁食都正咖哩係日本偏甜嘅咖哩，不過都有香料喺入面夾埋肥瘦適中又厚切嘅豬扒好有風味我哋仲嗌左是拉茶醬法國雞翼雖然我唔係好知咩係是拉茶醬但個雞翼本身炸得好好，個醬就辣辣地最後講番個Latte拉花，真係好仔細大家覺得係獨角獸定係飛天馬？🤣

本來今日係來葵芳村影紅花風鈴的，但係今年天氣反常，又冷又熱，搞到D花期亂晒！來到得幾朵花，離滿開可能仲要兩個禮拜。大失所望，咁去搵間野食個 Tea 飲杯咖啡， Hea 下啦！本來冇乜期望，入到黎反而眼前一亮！裝修和佈置都係我杯茶，好有懷舊文菁 Feel！可以輕輕鬆鬆 Hea 下。Lunch set 和 Tea Set都有幾多選擇，特別係呢度個 Lunch set 做到 5:30。我呢~ 就叫左 Tea set 食小D又食平D。不過呢個蜜桃海鮮蕃茄蓉意大利粉就真係叫人失望，話明蕃茄蓉，我一粒蕃茄都見唔到，個汁係用茄汁開嘅.........雖然D蝦仁幾大隻，但係得七成熟，仲要凍凍地。我平時自己炒蝦仁都唔會全熟，大約九成熟，咁先會脆口D，但呢幾隻對我來講就真係太生喇！份量比較少，不過 Tea 黎講都OK嘅！反而杯 Latte 就唔錯，拉花拉得幾靚，咖啡豆新鮮，冇煙味，唔太苦，唔加糖都OK！雖然餐要加$6轉嘅，不過都底比。見到隔離枱碟沙律都幾ok，我唸呢度唔食廚房野，叫輕食嘆咖啡都應該幾唔錯！