白宮咖啡室 (已結業)

成日都去荃灣，星期六日周圍都係人想揾反個好地方過個Chill Lunch 就揾下邊樹有All Day Breakfast 食。。。就揾到白宮睇到相都唔錯就來到試試我地差不多Tea Time 先來到，好彩都仲有Lunch 我地坐近玻璃窗旁，一坐低就即刻落單我order 左一個All Day 加熱Latte我先生就order 左一個忌廉蘑菇烤雞意粉加凍Latte飲品好快就先到，有小白圖案之後嘢食都好快到-難得先生本來以為唔夠飽，其實份量剛剛好的味道都是很不錯的！賣相已經夠哂打卡用啦

次次揸車經過都會望下，今次就專登停車入去試下。我一路都以為只有樓下細細地的舖面，原來仲有樓下。環境舒服。店員為我地逐一推介。今次小食方面我就揀左咖哩角及黑松露薯條。咖哩角不過不失，但薯條既黑松露醬真係十分野味，不過一個人一定食唔曬。而主菜方面，慢煮安格斯肉眼扒五成熟，再配上沙律及薯角，不錯既配搭。另外仲有明太子三文魚子煙三文魚意粉。淡淡的忌廉香味配上魚子食落另有一番風味。最後喺飲品方面，我哋選擇咗一杯LATTLE同埋雙魚座特飲。

當晚，相約在荃灣工作的街坊女食友到荃灣食飯！門面不起眼的 Cafe <白宮 White House>，原來佔地兩層！我們被安排到二樓的位置！二樓是閣樓，相對樓底較矮！店方花上無限心思的擺設及藍色歐陸格調裝潢，環境舒適，桌與桌之間距離近，空間感稍遜！ 另一邊是給食客影相呃 Like 的 corner！有各式各樣的公仔任攬任影！餐牌阿凡達梳打1.0 $48可能是我剛剛食完薄荷糖的關係影響味覺，覺得這是特飲的味道， 勝在冰涼透心夠消暑！可以用針筒唧入糖漿，即變成彩藍色，好海水 feel，有得玩，有得飲，真過癮！Latte $35最欣賞店方有多個不同的咖啡圖案，帶給食客新鮮感！我們都覺得奶泡部份打得綿密細膩，值得一讚！熱辣辣的水溫能散發咖啡香味，卻是咖啡甘味不夠突出！相對略淡！蜜糖雞翼 $40一客五隻，火候恰到好處，熟透而入味！蜜糖味濃重，整體甜美！三文魚籽櫻花蝦明太子意粉 $68賣相富層次感！大粒晶瑩剔透的三文魚籽，在口中爆發似的！ 櫻花蝦與明太子，兩者發揮提味作用之餘，亦為整體生色不少！意粉質感軟硬適中，入口 creamy 不膩！全日早餐 $108十多種食材的全日早餐，未嚐

遇然在網上得知荃灣這間White House Cafe的有奶咖啡，有近百款的卡通拉花選擇，十分扼like，這天剛好經過附近，正好一試。Set lunch有All Day Breakfast可供選擇，較正價平了少許，配有奶咖啡加十元，我這次便選了這個全日早餐配櫻木花道圖案的熱Latte。先來Latte，論咖啡真的不算特別，而所謂的「拉花」圖案也非拉出來，應是用朱古力粉灑在特製的模子上做出來的，沒甚技巧可言。不過這個櫻木花道圖案也真係幾可愛，看見也會令人開心。All Day Breakfast則屬正常，內容有鮮奶炒蛋、德國腸、煙肉、薯餅、茄汁豆、粟米、牛角包及沙律菜，稍嫌蛋老了少許，未夠滑，但整體而言也是合格。老實講，此店食物不算特別，但價錢OK，遇然為了些可愛咖啡「拉花」而來，也屬可以接受的。

捱左成個星期, 終於又到星期五啦,當然要出街食晏輕鬆下啦。公司響沙咀道,食晏吾想同人逼, 所以選擇去荃灣廣場食, 點知想食既餐廳都好多人行行下見到轉角呢間餐廳, 上網睇食評好似吾錯, 一於試下啦。餐廳外面睇似得一層, 原來內有乾坤, 二樓環境比較好同比較靜, 佈置得好有心思。叫左all day breakfast配 Latte, 拉花要左蠟筆小新。all day breakfast 份量夠大, 炒蛋又夠滑, 值得一讚係個薯餅, 外皮仲係脆嫁 。試埋Latte, 味道比較一般同埋吾夠熱, 但勝在有拉花搭救, 蠟筆小新拉花真係好靓。總括黎講比食物同環境都比想像中好,下次可以拉埋朋友一齊食

網上發現呢間cafe有圖案拉花,又有影相區, 最啱我呢d鐘意食又鐘意影相既人去潮聖,而且係荃灣近近地, 淨今日得閒就去試下啦...係荃灣廣場附近, 唔算難揾,內在環境好細, 唔知係未因為白色為主,感覺幾舒服, 雖然多人 但唔覺得嘈...cafe 分左樓上同樓下, 樓上有影相區,由於lunch時間,樓上已經full左, 我地唯有坐樓下啦, 一坐地就發現櫃枱前放左d圖案咖啡杯,仲有我最愛既熊本熊午市價錢唔算貴, $48~$60配飲品,咖啡要另加$10, 可自選拉花圖案,最後我同家姐都叫個最平既香草什菌意粉,佢就飲凍青蘋果綠茶, 我就飲latte,本身想佢拉個熊本熊圖案, 點知原來無最後就叫佢拉熊大啦, 哇!得意到唔捨得飲呀...青蘋果綠茶幾清涼, 夠多冰, 不過我飲左幾啖都覺得好甜,但都好有青蘋果味,夏天飲夠曬舒服...好得意既熊大拉花, 塊臉有3個唇印,望住佢好治療, 完全唔捨得飲奶泡好滑, 咖啡味好香...香草什菌意粉, 牛油味好重,什菌都好多, 唔同種類什菌,意粉有少少韌, 份量唔算大,但因為好膩既關係, 好快就飽啦...其實午市同晚市餐牌一樣,但價錢就相差$30, 最好就係全日免加

介紹呢間西餐廳唔係因為佢D野好味，或者好難食，而係介紹D飲品超得！所以呢次反傳統，由餐飲開始介紹！通常西餐廳D咖啡我係冇乜期望，但係呢間個 Latte 真係超水準，冇煙味，唔太苦，又順滑，唔使加糖飲都好味！通常要靚Latte 冇雜味，先可以唔加糖架！不過我叫Latte 果陣，待應問我要咩公仔，我當堂呆一呆！之係答佢就咖啡師喜歡啦！杯咖啡黎到，原來係咁！哈哈！另外杯水蜜桃紅茶，蜜桃味濃又唔會太甜，紅茶都mix 得剛好，小小茶味，又唔會蓋過D蜜桃味！至於D意粉就差左D喇！個咖哩意粉一D都唔咖哩，有咖哩色冇咖哩味，仲有小小酸添喎！日式咖哩得黎係差果隻。可取嘅係D蝦係真係幾大隻。而個白汁磨菇煙肉意粉就有待改善，白汁係用鮮忌廉，不過個忌廉冇磨菇味同煙三文魚味，若果放D三文魚落個汁度煮一煮，成個汁會唔同晒！整體來講其實D食物水準唔高，可能年青人開創業，冇乜經驗啦！不過坐下飲杯野就幾唔錯，尤其杯 Latte，值得為佢再來多幾次！