蟲二

营业中

休息中

星期六唔洗返工，特登搵咗間cafe食吓lunch，休息吓，過一個悠閒嘅下晝。 燒豚肉片慢煮蛋杞子飯豚肉煮得好腍，脂肪比例比較多，但一啲都唔膩，反而入口即溶，亦好入味。 唐揚茶漬杞子飯唐揚炸雞好香脆，因為唔想浸腍咗個炸雞，所以食咗部份先將茶淋落飯度。飯有經過調味，本身較硬身，加咗茶就啱啱好，茶嘅香味融入咗啲飯裡面。 蟲二酒釀桂花啡桂花嘅清香加上酒釀嘅香甜，同濃郁嘅咖啡相映成趣，仲有淡淡嘅米香，好特別。 Tiramisu食埋個甜品就perfect啦！Tiramisu好滑，少少酒味襯托，增加濕潤感，好滿足。

再次光臨環境舒適的蟲二，簡直是鬧市中的綠洲，慢活好去處。餐廳位於上海街616天台全層，設有戶外及兩個室內用餐區。環境非常舒適，等候餐點及用餐時，讓整個人和心都平靜下來。大根蕎麦 $110 夏天清涼素食好選擇，以醬油燉大根冷泡入味，再配點新鮮硏磨的大根溶，蕎麥麵配去蜜糖紫蘇梅很開胃，而冷麵汁也是用大根煮出來的，濃濃的昆布及木魚香。簡單的食材但花盡心思。肉桂朱古力西多士$98 用上牛油吐司及HERSHEY朱古力，加上雲呢拿雪糕，冰火感覺同時擁有，非常適合夏日的一道甜品。Latte $38豆香與奶完美融合，香濃幼滑。洛神花青檸紫梳打 $54 清香清爽，底層還有新鮮的柚子肉，口感豐富。

好少見有天台既地方做cafe，而且呢度既户外環境好開揚好舒服今次黎到主要食lunch，唔算有好多時間影相打卡同慢慢享受🥺不過食物相當有驚喜🥰▪️一汁三菜 ($150)包括漬物三吃、日本極上太白63度慢煮蛋、主食、鰹魚昆布高湯同日本穀米御飯一汁三菜賣相擺盤都好精緻，仲貼心咁附上一張一汁三菜便當建議食法🤣選擇眾多之下揀左大阪燒風味黑胡椒雞塊一汁三菜既建議食法係將一半既鰹魚昆布茶漬湯倒入穀米飯😋撈埋一齊都幾好食之後食到一半先將漬物同慢煮蛋撈埋，將剩返既湯倒埋入去▪️伯爵茶麻糬傳統班戟 ($85)又係滿足另一個胃而叫既甜品！伯爵茶味好香濃，切到中間有麻糬，好好食好煙韌😋如果有再多少少就更好🤣班戟口感都幾紮實，配上適量生果清新得黎唔會好漏，仲伴有粟米片，口感豐富，食完呢個夠晒飽！▪️Latte加左$5轉燕麥奶，不過好似唔係好飲得出😅雖然價錢唔係好平，不過勝在環境夠正，食物高質，最後要留意呢度只係收現金😆

今日係同女朋友嘅拍拖紀念日由於我係未諗好食咩好 所以都冇book到位我只係提議咗去旺角食咁女朋友就話不如試下食上海街而家個商場仔都開晒鋪啦層層都有開到食肆咁我地睇咗幾間之後最後就揀咗呢間黎食啦見價錢唔算貴同埋係見入面唔駛等位既咁就可以即刻入去食我地大約係八點幾黎到我地每人叫咗一個一汁三菜便當既 $150/SET芝士烤漢堡雞扒佢個賣相係唔錯既望到塊漢堡上有塊靚芝士食落係無味既 有啲可惜 唔入味既佢跟個飯 仲可以倒啲茶落去食茶漬飯我估應該係咁食既 漢堡無味 入口質感都唔好原條蒲燒鰻魚飯個鰻魚唔太掂唔好食 個味就OK既 送下飯都可以鰻魚啲肉質有啲散叫咗兩杯嘢飲普普通通仲加咗個甜品食OK LA總括黎講係唔太食價錢唔值

再來一次飲杯咖啡☕️，記得之前喺上環海鹽麻糬pancake 回味無窮，而今次喺第二次去 上一次冇食pancake今次真係要再encore麻糬pancake，聽店員講同上環嗰間係有分別，呢間用紅茶pancake 底，今次試吓伯爵茶味到上環有咩分別.❥ ❥ ❥芝士烤漢堡扒 .一汁三菜便當便當一嚟到見到好豐富，配菜有青瓜味味甜嘅蓮藕片仲有少少辣嘅木耳絲，店員都好細心講解鰹魚昆布茶倒入去穀米飯度做茶漬湯再拌入太白蛋，質地好creamy增加穀米飯嘅口感，芝士漢堡扒好厚肉非常上面加左車打芝士，食到好好濃烈牛肉味道好邪悪底下配菜原來係泡菜，新鮮配搭套餐仲可以加$25跟一件甜品.❥ ❥ ❥伯爵茶傳統pancake $85班戟配以燒海鹽芝士忌廉醬、鮮菓、牛乳雪糕蜜糖，賣相好靚燒海鹽芝士忌廉醬的海鹽同雪糕的香甜醇厚，上層微微燒出一層脆身的焦糖，搭配了香蕉和麥片等作點綴，令人驚喜的是在鬆軟的班戟裡面更加入了麻糬，令口感更軟糯、層次更豐富，Keep住水準.❥ ❥ ❥Latte $38咖啡味濃郁甘香，牛奶的比例較高，兩者均勻地融合在一起，口感十分柔順.❥ ❥ ❥玫瑰蜜梳打 $55玫瑰花味特別重加蜜糖帶一點甜，花瓣

早幾日同朋友去朗豪坊附近，行過發現618上海街活化項目開始試業。天台開了一間蟲二Cafe，環境唔錯。鍾意佢有戶外嘅空間，好似置身鬧市綠洲咁，可以喺日光底下舒服咁飲咖啡。蟲二個名，就係取名自「風月」無邊，幾特別。除咗桔梗之外，旺角又多咗一個好好Hea嘅地方。我叫左杯LATTE 水準正常，另外點咗嗰一汁三菜。朋友點了美式咖啡，味道也OK。講返正餐「一汁三菜」，以旺角嘅午餐嚟講價錢有啲略貴，但擺設得非常有日式風格，幾精緻。一汁三菜內包括有柴魚湯、63度慢煮極上太白蛋、杏脯汁漬小蕃茄、香菇越光米穀米飯、赤味噌清酒燉豚肉；配茶系熱飲或其他飲品半價。主菜豚肉普普通通，比較欣賞香菇越光米穀米飯。米粒飽滿，香甜而口感煙韌細綿。侍應教一飯二食，做埋茶渣飯。飯食到一半挖空中間放半熟蛋落去，加埋柴魚湯攪勻食，過程好玩 。可惜食落淹沒咗原有飯香同口感....