Mee...lemongrass (已結業)

剛好要去皇室堡拎野，行過停車場出入口時，有人派宣傳單張，見到相唔差，又有10蚊同免費薄餅Coupon(可一次過用2張)，餐廳又係皇室堡地庫，方便我拎完野落去食晚飯。呢到出名喇沙，當然要揀碗喇沙食，既然，送塊馬拉鬆餅，就揀個咖喱配黎食，三樣都好好味，而且，兩個人好夠食，飽。Mee...喇沙 $84當中大蝦、蜆肉、蟹柳、魚蛋、豆卜、半蛋各x2，仲有少量魷魚，材料相當豐富，分量都唔少，好岩兩個人分黎食。 喇沙湯有好香椰奶味，有鮮甜味，好濃郁，辣味就無咩。麵就有兩種一齊，米粉就吸哂湯汁，而油麵就增加左彈性口感。 緬甸咖哩牛腩 $78 相當有驚喜，估唔到咖喱咁香濃，比喇沙更好味，而且，個牛腩好淋好濃牛味，完全唔洗點用力咬。而個馬拉鬆餅， 再熱D同鬆化D就更好，但配呢個咖喱汁，真係已經好Perfect，誠意推介呢個咖喱。Menu，幾多選擇，見在場好多人都叫杯冰冰飲， 好大杯，好吸引，下次一定嚟試下飲品同其它食物。

人流都算高嘅一間餐廳 去食個時都滿座■ MEE...喇沙 $84好多料啊😍 有蝦啦蜆肉啦蟹柳啦魚蛋啦豆卜啦雞蛋啦魷魚啦 湯底都好飲不過如果再辣少少就更加好味 ■ 招牌無骨海南雞飯 $80都好食嘅 係啲雞份量唔多 食曬啲雞都仲有成碗飯係到🤕 仲有碟菜好乾巴巴⋯要讚嘅係碗湯好鮮甜勁好飲！同埋個辣汁蘸雞好好味■ 香芒椰汁糯米飯 $48芒果好酸啲飯偏實🤧可能要做到手握壽司嘅效果？🙄 本身落order嘅時候仲話要製作需時 20分鐘左右 點知落完單3-4分鐘就上咗⋯ ■ Cool爆鮮士多啤梨冰冰 $38好抵飲🤑🤑🤑 極大杯 2-3人飲都得 ■ 藍洋梳打 $28係柚子梳打

公司附近嘅馬來西亞菜「Mee...Lemongrass 」， 係我和同事周不時午餐嘅好選擇， 有午市套餐，而且份份都大份又抵食， 這裡只是套餐便提供十多款，款式都算多樣化。👏🏻 差不多每次黎，我都會點MEE...喇沙（$78）， $78已經係一個套餐， 已包括沙律、甜品和飲品： 是日沙律為大蝦柚子沙律， 大蝦爽口彈牙，柚子酸甜多汁，幾開胃！😌 喇沙內有大蝦、蜆肉、蟹柳、魚蛋、豆卜和雞蛋，材料豐富～😍 喇沙湯底椰香味十足，微辣惹味～ 魚蛋爽口彈牙， 蟹柳是日本貨色，不會容易散開，口感不錯！ 兩隻鮮蝦大大隻，肉質彈牙鮮甜， 豆卜吸晒湯底的精華，正！😋 麵底採用大馬正宗的「摻摻」做法，即係米粉撈油麵， 米粉盡吸湯汁，加上爽口滑嘟嘟的油麵， 每一啖有齊粗幼軟韌不同口感， 一次過滿足晒兩個願望！😏 甜品為泰式拉椰糕， 椰子味幾突出！ 泰國豆奶紅豆冰（跟餐加$22） 濃厚的豆香，不會一味死甜味， 感覺比平時的紅豆冰更健康呢！☺️ 紅豆軟腍有嚼勁，不錯吃！😙 如果紅豆多d就更滿足！ 檳城炒貴刁（$76） 又名「檳城炒粿條」， 粉條黑醬油顏色均勻，幾夠鑊氣！ 炒得香滑，香味濃郁， 加

去完工展會，係附近睇下有咩新野食，呢間應該開左唔係太耐，所以決定試試食物款式都算多餐具用了有公雞圖案的碗主角出場是油都加米粉，最主要係個湯不夠濃和熱，有少許影響到粉麵吸收不到足夠湯的味道不過湯底係幾好飲，有椰香（如果濃d會好d) 其他配料都算新鮮，蝦彈牙，蜆入口還有鮮味，豆卜十分入味叫左個小食，因為見到有位師傳即場製造手拉薄餅，所以想試試。果然不錯，好香口，不過好快會凍左，建議一上菜就要盡快食，另外用薄餅點落d喇沙湯底到又有另一番風味。

知道公司附近新開了一家馬來西亞菜—「Mee...Lemongrass 」， 聽同事說午市套餐大大份，又抵食， 便帶小妹在午飯來試試～😏 這裡只是套餐便提供十多款，款式都算多樣化。👏🏻 B套餐已包括沙律、餐湯、時菜、甜品和飲品，嘩真係好豐富！😂 而且全部都十分足料，岩晒大胃王男士食，抵食！😎 招牌無骨海南雞飯（$78） 是日沙律為大蝦柚子沙律， 大蝦爽口彈牙，柚子酸甜多汁， 作為開胃菜很合適呢！😏 菜心嫩綠爽脆， 平時出街食飯都好少有機會食到菜， 呢到真係好貼心啊！😌 海南雞例牌都有6、7件，份量十足～ 雞件全部脫了骨，吃起來啖啖肉，很方便呢！ 雞肉嫩滑得很，雞皮爽口而不膩，正！😋 雞件還可蘸上旁邊的醬汁：辣醬、甜豉油一起吃，更添惹味！ 不過如果有埋薑蓉就更好呢！🙈 雞飯跟平時吃的油飯不一樣， 多了香口炸蒜，更有口感！ 食海南雞飯怎少得清清味蕾的冬瓜湯！ 甜品還有Tiramisu味的蛋糕， 很完美的總結呢！☺️ A套餐已包括沙律、甜品和飲品， MEE...喇沙（$78） 內有大蝦、蜆肉、蟹柳、魚蛋、豆卜和雞蛋， 材料非常豐富～😍 喇沙湯底椰香味十足，