KOKO Coffee Roasters

营业中

休息中

南豐紗廠有不少寵物友善的餐廳，KOKO Coffee 亦不例外，可以同狗狗坐室外享受咖啡樂，不過友人怕狗狗今次唯有坐室內。餐廳有多款混入酒類的咖啡，可惜是日楂車唯有留待下次試試。意大利紅醬虎蝦帶子意粉 $208濃厚蕃茄醬食落酸酸甜甜，虎蝦新鮮爽口，帶子鮮嫩，蜆肉無沙脹卜卜，意粉軟硬適中，頗有水準。滋味炸物分享拼盤 $148拼盤好豐富，有雞中翼、炸雞柳、芝士粒、薯絲餅及蕃薯條，芝士粒外層酥脆咬落軟心，蕃薯條外貌似薯角，軟綿蕃薯肉香甜。雞柳較乾身，食落辣辣地好惹味，仲有少許沙律菜及蕃茄，多款選擇好滿足。Mocha $44咖啡加入朱古力成份，減輕了咖啡豆的苦澀味，岩晒怕苦的朋友。Dirty $42奉上時已經聞到香濃咖啡味，店員貼心提醒要趁熱飲用，原來係將熱Expresso倒入凍奶入面，飲到冷熱交融的感覺，值得一試。

The Mills in Tsuen Wan has become a new popular spot to visit for contemporary arts and cultural lovers in Hong Kong. Not only can you find creative and unique craft there, you can also enjoy a wide variety of food. KOKO Coffee Roasters serves tasty coffee and treats which would definitely make your day. I highly recommend their delicious mocha. I am sure you would fall in love with it after trying your first cup.

Weekday同男友一齊放假，同佢去左佢想去但一直未有時間去既特色活化商場南豐紗廠hea下～周圍行之前當然要醫下肚仔先啦😁我地揀左呢間環境簡約舒適兼好寬敞既coffee shop，坐係度食野傾計感覺好放鬆😊野食方面我地叫左一份慢煮紅酒牛面頰配飯，Caesar salad配烤雞腿肉，Koko signature 手打牛肉漢堡，一杯熱朱古力同一杯Mocha～落單果陣店員好體貼咁話啲嘢食差唔多預備好先至沖嘢飲畀我哋👍👍紅酒牛面頰飯嘅牛肉超級淋同超級入味！！ 😋 配料有瓜，車厘茄，洋蔥，紅蘿蔔等等好豐富👏雞腿肉烤得好靚，外層香脆裡面嫰滑，連雞皮食都唔會覺得油膩👍Burger有預先烘過黎，切落去果陣都聽到好清脆既聲音😂咬落去個麵包外脆內軟好出色👍👍 牛肉厚身Juicy，生菜蕃茄新鮮爽脆，不過我自己略嫌薯條有丁丁油～熱朱古力非常濃郁😳Mocha既朱古力同咖啡味平衡得幾好， 唔會是但一樣cover左另一樣既香味👍呢度嘅食物水準以一間Coffee shop唔係西餐專門店黎講非常高，飲品就更加唔洗講😆係傾計休閒或者Coffeeholic一定會中意既好地方👍

荃灣一間工業風嘅餐廳，裝修好簡潔比人感覺好舒服。蒜片風乾番茄虎蝦意大利粉：蝦🦐身煮得好爽口，番茄味唔太濃啱啱好，唔會搶走晒d味，意粉係幼身嘅唔會太腍，我覺得好正。KOKO手打牛肉漢堡：牛肉係手打嘅整得好好，唔會係死實實個d，麵包都有查左牛油捍過，所以特別好食，薯條炸得好脆👍🏻AFFOGATO ：杯野飲我要特別推介下，咖啡味好香好濃，配埋個雲呢拿雪糕真心好夾，好飲到不得了，必點的。MOCHA : 朱古力味咖啡，兩者啱啱好。

平日的lunch去，點了紅酒牛腩飯和雞排飯，味道OK唔會太濃味，算清淡之選，白飯也算多，男仔都夠飽，另外加錢配了南瓜湯及咖啡。由於是平日，餐廳唔算多人，好舒服，唔會好逼，值得推薦的lunch好地方！另外佢d麵包個樣都好吸引