Helen’s

营业中

休息中

話說今日放工約咗朋友食飯，見大家都唔係太肚餓，朋友就建議不如喺附近搵間Bar，食啲小食飲杯野啦！呢間Bar嘅裝修好特別，充滿着異國風情。感覺好似去緊旅行，係當地嘅酒吧飲酒咁！除咗裝修特別之外，呢度嘅酒水都充滿特色！其實Drink List上面有好多款酒我都好有興趣，可能係因為佢哋嘅名改得好特別。我今次就叫咗杯Yesterday。（最主要係因為佢個Description寫得好好，好有詩意，哈哈😄）朋友就叫咗呢杯My Orchard，好香濃嘅百里香味，幾易入口。呢度嘅炸雞軟骨超級好食，送酒一流，$48仲要咁大碟，CP值好高阿！！！呢度嘅忌廉意粉同出面嗰啲有少少唔同，佢覺得反而多咗少少酸酸地同青椒味，食落反而冇咁膩，我同朋友都幾鍾意食！呢度嘅炸魚炸得好香脆，薯條份量都好多，都係果句啦，CP值好高呀！不忘同朋友玩返兩手，哈哈！呢間酒吧絕對值得回頭，無論係佢嘅走同埋小食都好價錢真係好抵，而且質素都好高，最重要呢度係冇加一服務費👍🏻

厚福街H8多野食就唔駛講 但諗唔到原來喺3樓有間好舒服嘅小酒館一出𨋢已經見到個大招牌全層都係佢哋嘅 地方唔算話好大但同其他bar唔同 座位間嘅距離係好闊落嘅店員安排筆者坐喺窗邊位置 飲住杯酒咁望住繁榮嘅厚福街都幾寫意餐牌就得兩頁 主要都係酒精飲品 亦都有小量嘅野食嘅✨Maze $68粉紫色好靚 啱晒女仔打個卡再飲酒精濃度有4 飲落都好順口 筆者唔係好識形容個味 簡單講係帶有草本香嘅cocktail✨ My Orchard $68呢個酒精濃度得2 飲落果味好重鍾意熱帶水果嘅話好啱飲✨唐揚魷魚圈 $68份量都唔少 味道上筆者覺得比起好多街邊小食店更好食✨ 香烤辣雞翼 $68呢個小食又係好好食 夠熱又夠辣好似食緊pizza hut隻辣雞翼咁整體嚟講 呢間bar嘅環境好舒適 乾淨衛生 仲要唔會有煙味 飲品同食物質素都幾好價錢仲好抵添 無加一無min charge真係好適合一班朋友食完飯後再嚟傾下偈玩下骰盅 推介俾大家👍🏽