BLT Burger (已結業)

這店在疫情前週末經常要排隊, 不過疫情剎到, 佢都難以幸免見佢經常吉枱吉櫈員工無野做,直至商場推出coupons 奇招救市, 在此期間我們亦有去用coupons  消費一下, Nachos $72 即炸薄片幾熱氣下, 張底紙都索咗唔少油, 兩個醮醬都調得幾好食但份量可能較少最後的薄片無汁, 其實都可以問佢再攞醮醬都得嘅!Waffle Fries $48 即炸新鮮, BLT Burger (Combos) $178 招牌漢堡套餐連薯角, mayo 菜絲沙律, 梳打, 漢堡牛肉的確係五成熟的, 但無咩牛味只知係牛肉! 如果只食漢堡包就$118不過都應該諗諗值唔值? Turkey Burger $88 只有呢個包才是用onion bun 在包頂加咗少少芝士烤溶, 包質地較淺色, 件肉沒太特別一般只吃得到醃味,Beyond Vegan Burger $168 經典的食菜貴過肉, 內有大啡菇但不是整個只有切片, 到底一件人造肉漢堡真的值這麼貴的嗎? 大家最近都經常在家煮飯, 知價錢吧!BBQ Pork Ribs $188 味道正常但份量細Fresh Watermelon Juice $44 好細

某天晚上跟骨友談到burger, 便牽起食BLT Burge的念頭。縱使是星期5的晚上，但排隊的人龍不復再，不消一會便有位了。Happy Friday嘛，當然先來杯啤酒鬆一鬆。1664是我愛的啤酒之一，帶點花香，味道較清。Nachos頗香口，加上芝士、肉碎、酸忌廉、酸瓜等，把墨西哥風味表達得淋漓盡至。Tex Burger則較遜色，medium的漢堡不夠juicy，肉味也不太突出。幸好包烘得外脆內軟，生菜、牛油果等配菜也夠新鮮，配上千島醬，味道還可，未有一吃難忘的滋味。

行過N次這裡，總有條人龍，附近選擇實在多，真係無咩意欲排隊，是日無人龍，又好想食BRUGER，剛好。第一次黎，唔見有咩特別想食，我就要classic burger，兩個人，另一款就要雞包。classic burger，店員建議塊扒係medium，就medium吧。上枱賣相都幾唔錯，望落配料亦下得夠多，牛肉算係juicy，亦係厚厚，牛味都ok，餡料方面我滿意的，要挑剔就係個飽冇烘過，烘過的話會更好。chicken burger，用辣黎醃，偏向辣，塊雞肉只係食到辣味，係辣漢堡一個。classic可以轉combo，跟薯條或者薯角或者薯格加汽水，要個薯格，正正常常，剛炸起，味道可以想像得到，汽水，還是汽水吧。另要了個墨西哥片，要讚係芝士下得夠多，要彈係d肉好韌。早前係小酒窩吃到的，我喜歡果邊多一點，可能呢到d墨西哥片較為鹹一點。整體都可以叫ok，我覺得Shake 'em Buns又或者burger room都比這裡好一點，價位更平一點，當然位置不大同。