Foodie 泰式煎餅

营业中

休息中

好耐冇去泰國，口痕想食香蕉煎餅，老遠就聞到呢間舖頭嘅煎餅好香，吸引咗過嚟望吓🤤舖頭好細，但都多人排隊，無咩人嘅話等5-10分鐘到，即叫即做價錢中等，都大份，咁當然冇得同泰國嘅香蕉煎餅比啦！泰國啲醬好似唔使錢咁樣畀，呢度相比就有少少手緊，醬嘅份量都夠，只係唔係nutella 放題😆煎餅雖然唔係好鬆軟，但味道好夾！Nutella同香蕉係冇得輸嘅組合，香蕉有啲偏酸，可以中和返Nutella嘅甜味，好滿足過一過甜品癮舖頭清一色係賣煎餅，🌮鹹甜都有，個人覺得煎餅嘅粉漿可以開得再鬆軟啲，價錢都around $40-50，口痕想食返啲小食類嘅可以嚟呢度！

發現旺角都開了一間香蕉煎餅，九龍人不用走到元朗咁遠，所以馬上試一試。款式有咸有甜，個人喜歡甜口味比較多，所以叫了兩款都係甜的。第一款，Nutella榛子醬香蕉煎餅，HKD 37。切好了十六件方便食客，我覺得醬料都落得多既，唔會孤寒，增肥首選。餅中間都落得多香蕉餡，肉眼都睇得到，食落亦都有好香濃嘅香蕉味。第二款，花生醬香蕉煎餅，HKD 37。佢既花生醬係有一粒粒花生碎喺面頭，所以食落口感多層次d，不過對比兩款，我個人覺得呢一款會比較滯，好容易食兩舊就飽，而且餅皮較簿，冇咁濃既香蕉味。

友人話好掛住泰國🇹🇭一於食個泰式香蕉煎餅止下癮😌果然係邪惡嘅味道😈#小胖遊旺角🐠————————————————🔹Nutella榛子醬香蕉煎餅 $37煎餅表面搽滿滿滿榛子醬🌰同煉奶，煎餅外脆，入面有蛋同熱辣辣軟糯香蕉蓉🍌，夾埋岀奇地完全唔會太甜🙆🏻‍♀️貼心切咗16塊，邊沿就香脆啲，中間就多啲餡料，各有各好🟫小編就中意邊沿位多啲😋咁邪惡嘅食物，緊係3個人share，每人食幾嚿就無咁內疚啦😛友人話如果可以好泰國咁喺你面前表演整，就再好食啲😂—————————————————🧜🏻‍♂️口水度：🌕🌕🌕🌖🌑🤑CP值💰：🌕🌕🌕🌗🌑🧚🏻‍♀️打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌘🌑.♟Overall♟唔算太甜/膩，味道balance得唔錯👌🏽因為小編第一次食香蕉煎餅😂無比較，覺得好食，喺旺角掃街可以一試

去家樂坊諗起某雜誌推介嘅泰式煎餅喺附近就即刻過嚟試吓。可能因為雜誌效應見都多人買要等廿幾分鐘～無妨～買完去附近新開aeon hea吓再返嚟拎。叫咗個榛子醬香蕉煎餅$35～呢個價錢都幾抵食～煎餅外脆內軟再加埋香濃榛子醬同香甜香蕉～熱炳炳食好食又唔會過甜。美中不足係無餐具附送同埋店內不設堂食，因為呢個煎餅真係要趁熱食先好食凍咗就無咗外脆內軟嘅口感啦。見佢仲有其他鹹嘅口味例如咸牛肉、莞茜等都幾特別～三十幾蚊值得一試～