Cafe Paradise (砵蘭街) (已結業)

今日朋友陪我搞一d 文件野，黎開太子，有一間💛店都想支持好耐。好彩黎到等位都好快可以入坐☺️呢度既職員都好有禮貌👍🏻因為我好鐘意食all the breakfast 所以我揀左呢度signature 既Paradise Jumbo! 見到隔離台都有叫呢個餐😆d 牛肉係用左黑椒醃肉，醃肉都好入味👍🏻因為薯餅賣晒，轉左薯角俾我。好彩我都perfer 薯角多d, 可以同朋友share 黎食。天氣太熱了，我都加左錢叫埋杯凍朱古力咖啡🤣朋友叫左素野菌黑松露意大利闊條麵，我都偷食左佢一嘆，都有好香既黑松露味🔥佢個餐仲包一塊餐包同餐湯👍🏻👍🏻同埋佢棉花糖咖啡都好cute😆總括而言，好味是良知🥲💛support 小店同💛店而價錢都好實惠，支持支持❤️❤️

Paradise Jumbo $128個all day breakfast賣相超豐富有西冷牛扒🥩、炒蛋、火腿🥓、薯餅、炒雜菇、煙三文魚、蕃茄🍅、腸仔、茄汁豆、沙律菜🥗、粟米🌽另外仲有跟多士配果jam西冷牛扒煎得啱啱好 唔會太乾身蕃茄係有煎過 薯餅係即炸好脆口幾好食份量真係好大份 食完已經飽左😂仲有跟一杯飲品 幾抵食龍蝦汁海鮮意大利飯 $138有青口、帶子同蝦一入口好creamy 啖啖都充滿龍蝦湯嘅味不過食食下會覺得有啲寡 呢個dinner set有包飲品同甜品 甜品係芝麻雪糕🍦

太子cafe据扒裝修有特色⸜( * ॑꒳ ॑* )⸝有很多客人，記得訂枱，免收加一服務費#石燒美國牛肩胛肉眼扒 $78 +$30（轉套餐：餐湯+沙拉🥗餐飲+甜品）推介大大塊200g厚切肉眼扒，慢慢燒自己喜歡的熟度，肉嫩多汁。喜歡加玫瑰鹽調味（問侍應借），另有兩款醬沾點。熱烘烘的脆薯角是我喜歡的那種，脆脆的，配茄汁是日餐湯：蘑菇湯味濃郁。另外🥗沙律份量比想像中多(*´◡`ﾉﾉﾞ還有是日甜點：芒果雪糕。轉套餐好抵食#alldaybreakfast #paradisejumbo $128 配橙汁（好多果粒）超大份量，大胃王之選，有兩件厚切熱脆薯餅～還有煙肉+火腿+滑蛋+腸仔+甜栗米粒+茄汁豆和大大塊西冷牛扒⋯⋯多士鬆脆微甜，配果醬酸酸甜甜很開胃服務質素：7.5/10環境舒適度：6/10ᶘ ᵒᴥᵒᶅ個人口味評分：7.5/10

事隔一年後又黎返呢間cafe食lunch，all day breakfast依然係咁好食，適逢新春假日，都冇加二加三，真良心餐廳～餐廳好近太子地鐵站，裝修簡簡單單，仲有幾隻Pepe坐係餐廳！餐牌選擇都多，正常西餐菜式另加鐵板牛扒餐同埋成本coffee menu。Paradise jumbo ($123)睇個餐都超多野食，仲要有塊扒，有杯橙汁同一塊toast加士多啤梨果醬。薯餅雖然俾塊西冷扒扎住，但依家好脆好熱！其他野食都好大份，有調味，偏少少咸，可能因為牛扒汁滲入左啲野食！可惜牛扒有少少乾同硬！ 呢個餐正常一個男仔食完都應該好夠飽，可能可以頂2餐香辣炒蜆肉意粉（$69）意粉唔算好辣，好開胃，加埋橄欖油炒得好香，一啲都唔會擠同膩！蜆肉雖然唔多，但新鮮唔會有沙！值得推介！呢間餐廳好值得推薦俾大家，以呢個價錢黎講好抵食，而且味道質素都好好！有機會會返黎試下鐵版餐！

黃店 💛 #太子 #CafeParadise🟡 罷市表態🟡 店內外貼文宣🟡 店內有pepe公仔s🥰今日收工兩個家姐去咗太子Cafe Paradise食好西，黎到已經比pepe公仔吸引住🥰 好可愛，而且仲成店周圍都有文宣😝💛🍽 All Day Breakfast - Paradise Jumbo ($128)因為呢度嘅all day breakfast都幾出名大份同豐富，我當然要叫返份先啦😝大胃王嘅我叫咗份最多嘢嘅Jumbo，一份all day breakfast入面就有13樣嘢食，而且每樣都有返一定嘅份量🤤 啱曬大食嘅我😽🥩 西冷牛扒好大份，肥瘦度適中。成熟度較為熟啲，適合啲鍾意熟食嘅朋友😋🍣 煙三文魚係All day breakfast嘅精髓，有好fresh嘅感覺☺️🥓 煙肉勁大塊！🍳 炒蛋份量好多之餘，仲好滑好好味，比家姐偷咗我幾啖😢😢🥐 薯餅不得了！真係好脆好好味！🍄 炒雜菌加咗黑椒好味😋🥗 田園沙律有少量芝麻醬，係我最愛之餘又唔怕肥😝🍖 仲有條香腸，叫Chipolata，即係豬肉腸嘅一種～附上埋家姐嘅嘢食相💛 佢個ribs一上枱就勁香😍石燒牛都好吸引！又勁抵食😋

今晚約咗細妹旺角行街，先去咗太子呢間cafe食晚飯。門口貼咗好多文宣Poster，係良心小店啊！同細妹揀咗好耐食咩，因為樣樣都好吸引！美國頂級穀飼牛肩胛肉眼扒 $78塊扒有手掌咁大塊，石板燒得非常㷫，完全夠燒熟晒成塊扒。肉眼非常juicy有口感，調味亦剛剛好，少少黑椒味。配菜跟好脆嘅炸薯角，旁邊仲有三款醬汁。Paradise Jumbo $128非！常！大！份！！！裡面竟然有成13款材料！完全嚇親我哋，平時食all day breakfast邊有咁豐富㗎！仲有每一樣材料都唔hea，特別炒蛋非常嫩滑啊！BBQ Ribs $188好有燒烤味，幾多肉唔會得棚骨。原本諗住all day breakfast應該份量好細所以叫多樣嘢食點知完全估計錯誤，每碟都好重量級，食到好飽！仲要買單都只係每人二百零蚊，抵食到爆！

之前見過朋友嚟依間有旋轉木馬嘅餐廳打卡食飯，心思思就Happy Friday 去食差唔多7:00去到，坐埋最後一張檯，見之後d人已經要得位門外真係放咗旋轉木馬嘅大模型，雖然唔識轉，但打卡一流坐喺門邊張檯，隔離放滿公仔，仲有個迷你木馬朋友去西餐廳必叫豬手，就例牌叫咗份豬手同all day breakfast，再加份小食。其實唔叫小食都好夠飽蒜香牛酒白酒煮蜆一上檯已經聞到好勁香蒜味，入口牛油味都好重，唔怕係白水煮蜆咁。而且份量唔少，食極都有咁，幾乎粒粒都有肉跟餐湯係蘑菇湯，好多蘑菇粒喺湯入面，蘑菇味香濃另外沙律就正常爽脆，有唔少芝麻醬嗌咗JUMBO all day breakfast，真係好大份未食都超滿足，賣相非常吸晴牛扒係薄切，易咬有牛味👍🏻薯餅香脆，食多幾件都仲得！其餘炒蛋，腸仔，煙三文魚等味道都唔錯。另加$8轉waffle，入面有甜甜地嘅奶黃醬夾喺waffle入面，味道有d似西式奶黃包，外層都鬆軟。食完依份，我哋兩個都飽咗7成豬手份量都好大，第一次食燒豬手表面會灑味粉，入口惹味，上面嘅味粉帶微辣。底層嘅肉有d粉嫩，唔會乾身嚡口。整體味道唔錯燒汁可以唔沾點都得，本身已經好夠味跟餐最後

Happy Friday 緊係要食好嘢啦，係太子地鐵站一出，行唔洗一分鐘就到，極方便🤘🏼今次叫咗一個 白酒煮蜆，paradise jumbo 同香脆豬手（+廿蚊轉set好似幾抵，多個湯，沙律同嘢飲）沙律正正常常，蘑菇湯好香蘑菇味，正😋蜆肉數目比想像中多，唔係好食到白酒味，但蒜同牛油味好濃好香👍🏼👍🏼呢個all day breakfast啱曬貪心嘅我，乜都有d，可以試曬唔同嘅嘢食😋牛扒比較少喺all day breakfast見到，重有三文魚，好豐富😋😋豬手皮脆肉嫩，半肥瘦嘅豬手加埋微辣嘅辣粉，十分惹味😋😋

好久沒有那種要強烈推介的Cafe了👍 這個高質高CP的全日早餐完全佔據了我高期望的心, 牛扒入味又岩口感，煙肉火腿腸薯餅煙三文魚應有盡有😋就連滑蛋磨菇蕃茄都絕對唔會失望的一個滿足全餐, 抵讚抵食👍最重要最重要佢係全日供應! 晚餐都有得揀的確不得了🤪。意大利飯配上香濃龍蝦汁味道完全合格, 全餐心滿意足只是欠了落錯花茶order的不足, 雖然係將水蜜桃落錯了洛神花, 但洛神花解膩的茶香正巧減了全餐的油膩感, 可以話係錯中有驚喜吧。以信心來說, 這間Cafe一定是推介Cafe中的Top5.