Café Crêpe (K11購物藝術館) (已結業)

有時晚上不想吃得太多，路經尖沙咀K-11時就來到Café Crêpe吃頓輕食可麗餅晚餐。這間分店採用全自助形式，堂食座位不多，不收加一服務費。除了供應多款法式薄餅之外，還有法式麵包三文治、沙律、蛋糕等等。下單後就可入座，等到感應器振動時就可取餐。法式薄餅口味鹹甜百變，食譜製法依照法國巴黎傳統秘方。Crepe Francaise $109油封鴨配格魯耶爾芝士鹹味可麗餅呈現地道法式風味，Duck confit起源於法國傳統保存食材的方法而延伸出來的一道經典手工菜式，鴨腿肉先經過醃製，再泡浸於鴨油中，配以低溫慢煮的手法來保留飽滿肉汁。肉質煮得軟腍入味，餅底厚薄適中，口感煙韌，加上le gruyère芝士的天然奶香，一口就已充滿多重味覺層次。Pear and Salted Caramel $79肉桂烤啤梨配鹽味焦糖醬甜味可麗餅擺盤簡約精緻，令人賞心悅目，灑上榛子果仁碎粒，更添香脆口感和堅果香氣。裡面裹滿晶瑩細滑的啤梨切粒，將梨子的天然清甜果香與肉桂的特有香味交互融合，齒頰留香。黃金冰冰樂 $48以薑黃與楓糖混成的Golden色彩鮮明奪目，不含咖啡因，滲入薑黃獨有的溫和辛香。Jade $48面層

Milkshake-Vanilla 令我超有驚喜，好滑甜度啱啱好，呢個仲要喺店員推介。如果飲嘢嚟計 ，佢真係數一數二。今次食甜嘅法式薄餅，我覺得肉桂烤啤梨 酸酸甜甜都叫可以吧，外面嘅焦糖醬只喺配襯，所以整體嚟講薄餅真係比較普通。整體嚟講 確實有啲貴 ， 經過打卡 我覺得OK，刻意去食，我覺得唔需要。

艾弗鍾意食crepe，所以今日帶佢嚟試。好在早嚟，晏少少嚟都滿晒！Lumberjacques ($88)有香腸肉、煙肉、番茄炒蛋、瑞士芝士及蜂糖漿。crepe皮薄身口感微脆，輕輕打開望吓入面，好足料！就算係香腸煙肉但一啲都唔鹹，加上甜甜哋嘅蜂糖漿，究竟呢個crepe係鹹中帶甜，定係甜中帶鹹？竟然非常匹配，鍾意食！Pear and salted Caramel ($79)crepe面加咗少少焦糖醬，入面有甜啤梨及肉桂，就算我唔鍾意食肉桂，但都覺得好匹配。不過因為太早嚟喇，到我哋食完鹹crepe嗰陣佢已經凍咗，crepe皮唔再脆，但因此而變得軟糯，又係另一種口感。下次都係要醒目啲，落單時要講叫起！Mojito ($44)行過嚟已經熱到出晒汗，飲返杯凍薄荷飲，舒服晒Golden latte ($46)即係加咗黃薑嘅特飲，本身係冇加咖啡底，但有需要嘅可以加，醒一醒神！