藏 (已結業)

上個星期趁冇咁凍，同朋友book左呢間新新地既日本菜試下。上到去一出𨋢，感覺良好，門口有隻白色陶瓷貓，未入到去餐廳，外面係暗暗地有啲神秘咁，感覺係有少少行低調型格路線。因為一早訂左既吧枱位係餐廳既側面，所以唔係好睇到中間係點，不過新開黎講望入去都幾多人。一坐低侍應姐姐就拎左個籃俾我地放袋，好細心。之後睇睇個menu，lunch set都有十幾款，壽司刺身天婦羅烏冬甚至海膽龍蝦丼都有，對於有選擇困難症既我黎講係極度難揀。一路睇menu一路有侍應姐姐擺餐具，留意到佢既六角形placemat係好睇又好用，靚得黎又可以令啲碟唔會咁容易移位，又加左啲分。睇下睇下揀左成20分鐘我地覺得第一次試既餐廳點都要食個壽司set，另外就再叫左個出面少啲見到而又好似好吸引既龍蝦丼。呢度lunch set都包好多嘢，一開始有前菜同茶碗蒸。個沙律個人覺得係好好食！你食得出佢係新鮮食材，唔係求其俾啲菜你，個汁就酸酸地幾開胃。之後就係壽司set喇，佢個壽司set其實係omakase，坐吧枱睇住師傅整就最開心！我地今日食就有我最鍾意既海膽同拖羅🥰，個海膽係零腥味，拖羅唔係入口即溶就無哂果啲，所以我更鍾意！另外仲有帶子、

早前男朋友見客約左去食lee間新開嘅omakase,返到黎同我講好好食,今日就帶我去食晏😚😚間嘢近銅鑼灣廣場二期,又有清晰路牌指示,唔會難搵,上到去裝修華麗,門面好堂皇門口有隻忍者貓守住,好得意😍餐廳好貼心,一坐底就遞上熱毛巾,我好留意到筷子嘅擺法係打橫放嘅,好正宗,服務好似置身係日本咁🎎午餐有lunch set同omakase提供,omakase仲要唔過一千蚊,不過午餐食咁多好似有d多,所以我地揀左lunch set,生同熟都有,遲d帶老人家黎試又得最後我嗌左個premium sushi platter🍣,男朋友就嗌左日本雲丹美國伊勢海老丼🦞所有lunch set都有跟沙律🥗,茶碗蒸し🥚,miso soup同dessert🍰首先茶碗蒸し同沙律黎先,沙律🥗酸酸地好開胃,茶碗蒸し有d瑤柱係面,仲有舊雞肉係𥚃面,蛋又滑,所有嘢都好夾男朋友嗌嘅龍蝦🦞丼,砌到好靚,仲有d金萡係面,前面綠色嘅sauce係龍蝦膏,廚師介紹將d龍蝦肉點落去食d味會出d,我偷食左一舊,咁嘅食法又真係好正🤤d海膽又多,講真480有咁嘅享受,仲要鬧市,其實又唔係話貴我食嘅sushi platter逐件上,廚師每次擺低都有