Cabana Breeze (已結業)

餐廳室內同室外空間都好大，室內行華麗歐陸風格，好有氣派，好啱情侶拍拖約會。室外露天座位充滿泰國風情，有三個靚靚大鳥籠藤椅位，夜晚坐喺度食嘢嘆景，真係幾舒服仲好啱打卡影相！枱面上仲有支紅玫瑰做裝飾，感覺幾浪漫～😳普羅旺斯燒春雞 $198新鮮香草麵包糠烤製縠飼春雞充滿濃郁香草味，雞肉非常嫩滑juicy！伴碟有迷迭香烤薯仔，份量多，一咬落去有外脆內軟感！💕Quattro Formaggi $168由主廚精選四款芝士做餡料既石窯爐烤Pizza，即叫即整上枱熱辣辣！😍 Pizza好大份，兩個人都食唔哂～😆 芝士Pizza烤到金黃色，非常吸引～ 批邊脆口，Pizza屬於煙韌，加埋芝士既鹹香味，好好食～👍🏻🌟 依架經Openrice 訂座，可以用正價85折單點餐牌食品🍽️推介食物：普羅旺斯燒春雞、Quattro Formaggi食物質素：🧸🧸🧸🧸🧸環境：🧸🧸🧸🧸🧸性價比：🧸🧸🧸🧸🧸泊車：灣景薈停車場

去東涌睇新居屋，睇完搵地方食飯，喺開飯搵到隔離喜來登酒店附帶嘅呢間餐廳，穿過酒店大堂有道門行出黎就見到有幾間食肆，呢間餐廳門口有啲藤座位，感覺悠閒，微微雨嘅關係安排坐室內，皮梳化加紅色咕𠱸，加上枱面有花配搭，伴隨好聽嘅音樂，柔和嘅燈光，有種渡假嘅感覺。今日趕時間，主要嚟食嘢，叫咗一個意粉，一個披薩。原本菜單係墨汁扁麵條，嚟咗墨汁意大利粉。黑色嘅意粉，紅色嘅蕃茄粒，綠色嘅芫茜苗，配埋白色嘅蟹肉同洋蔥，擺盤都幾靚，飄散住蒜油嘅香味。意粉軟硬適中，叫咗少辣，有好多蟹肉，惹味又好味。披薩叫咗四款芝士，見到有藍芝士另外加咗帕爾馬火腿。披薩焗出嚟熱辣辣充滿芝士香味，卜卜脆餅底加上火腿嘅鹹香，好滿足啊見佢食物種類選擇算多，第日可以放工嚟Happy Hour飲杯嘢都唔錯。