Playa de Papagayo (已結業)

自從疫情後就少左去bar，近期疫情好返啲所以就再次光臨。佢個menu好似有啲唔同左，多左小食，少左啲main dish。之前叫過西班牙海鮮焗飯好好味但有啲貴（$298），所以今次就唔叫了。今日叫左個烤豬手配薯蓉、牛面頰肉扁意粉同埋辣味炸雞翼。烤豬手好夠熱，又香引脆，作為小食或前菜都好開胃，真正做到皮脆肉嫩，味道咸香多肉汁，薯蓉夠creamy，連少少嘅酸菜都好開胃醒神，不會過酸。牛面頰意粉相對比較淡味同乾身，牛肉有少少韌，不過意粉味道不錯。最好食係佢嘅炸雞翼，熱到出晒煙，外皮炸到好香脆而又鬆軟，肉質白淨結實又滿帶肉汁，少辣香口惹味，好出色。最後叫左2杯飲料，1杯sangria同埋1杯藍色嘅tropical sangria

朋友生日，想搵間休閒既西班牙餐廳試下，見呢間餐廳既食物幾吸引，就決定試下。Tasting Platter去西班牙餐廳一般都必食 tapas，今次揀咗呢個好有特色嘅 tasting platter，入面有黑松露雞蓉春卷，慢煮鮮鮑魚， 黑豚肉釀軟殼蟹腳， 脆小菇，香草蚊八爪魚，每一款都有驚喜，推薦Spanish style beef rib主菜我哋揀咗最貴嘅一款，賣相非常好，份量夠4-5人share，可惜脂肪比例太多，唔啱我地口味。四式芝士薄餅主食我哋揀咗呢個，因為大家都係芝士控。 薄餅入面嘅四款芝士分別係 Cheddar，Parmesan， Mozzarella， Goat cheese。 可能係比例嘅問題，食落冇我哋想像中嘅邪惡感， 整體芝士味偏淡Sangria正常水準，可以叫一jar同朋友慢慢飲總結黎講，服務態度好，環境舒適，tapas水準都中上，值得一試。

睇波之夜，行晒成個尖沙咀都搵到酒吧播利物浦(因為同一時間播曼聯)，係就放棄嘅時候呢間酒吧就出現係我地眼前喇！由於酒吧大部份都係女仔，佢地根本唔care睇波，所以侍應就好好人咁為我地轉台！點左一jar Sangria!好清新好甜！Sangria就係mix左red wine, orange juice, lemonade, rum, spices仲有水果！好清新好夏日，$238左右，兩個人坐左一晚又有波睇，幾抵！